ޕާކިސްތާންގެ ގައުމީ ލަވައެއް ޖެހި އިންޑިއާގެ ދެ ޒުވާނަކު ހައްޔަރުކޮށްފި
ކުޑަކުއްޖަކު ކިޔައިފައިވާ ، ޕާކިސްތާންގެ ގައުމީ ލަވައެއް ކަމަށްވާ "ޕާކިސްތާން ޒިންދާބާދު"ލަވަ ޖެހި އިންޑިއާގެ ބަރޭލީގެ ދެ ޒުވާނަކު ހައްޔަރުކޮށްފިއެވެ.
މި ލަވަ ޖަހައިފައި ވަނީ ފިހާރައެއްގައެވެ. ފިހާރައިގައި މަސައްކަތް ކުރާ ޒުވާން ސޭޓާއި އޭނާގެ ތިމާގެ ކުއްޖަކު ފިހާރައިގައި ހަރަކާތްތެރިވަމުން އެ ލަވަ ޖަހާ ވީޑިއޯ ވެސް މީސްމީޑިއާގައި ވަނީ އާންމުވެފައެވެ.
ޚަބަރުތައް ބުނާ ގޮތުގައި ބައެއް މީހުން ވަނީ ސޭޓާ ކުރިމަތިލައި އެ ލަވަ ޖެހުން ހުއްޓައިލާން އަންގައިފައެވެ. އަދި އޭނާ އެކަން ނުހުއްޓުވުމުން ފުލުހަށް ވަނީ މައްސަލަ ހުށަހަޅައިފައެވެ. ފުލުހުން ރަޖިސްޓްރީ ކުރި މި މައްސަލައިގައި ދެ ޒުވާނުންގެ މައްޗަށް ބޮޑެތި ތުހުމަތުތަކެއް ކޮށްފައި ވެއެވެ. އެގޮތުން އަމާންކަން ނަގައިލާން މަސައްކަތް ކުރުމާއި ނެޝަނަލް އިންޓަގްރިޓީއާ ގުޅުން ހުރި މައްސަލަތަކުގެ ތުހުމަތު ޒުވާނުންގެ މައްޗަށް ކޮށްފައި ވެއެވެ.
ހައްޔަރުކުރި ސޭޓްގެ މަންމަ ބުނެފައި ވަނީ އޭނާގެ ދަރިފުޅު ގެންދިޔައީ ސްޕީކަރެއް މެދުވެރިކޮށް ފޯނުން ދީނީ މަދަހަ ޖަހަމުން ކަމަށެވެ. އަދި އެ ލަވަ އައީ އެ މަދަހަތައް ޖެހުމުގެ ތެރޭގައި އޭނާގެ ދަރިފުޅު އެކަންކަމާ މެދު އެހައި ހޭލުންތެރި ނުވާނެ ކަމަށެވެ. އަދި އޭނާގެ ދަރިފުޅު ދޫކޮށްލަން މަންމަ ވަނީ އެދިފައެވެ.
