މިލަވެ ހަރުވެފައިވާ ޖިންސެއް ފަޔާ ލާކަމަށް ބޮންޑޭ ބުނުމުން ކުށްވެރިކޮށްފި
އެމްޑީޕީގެ ޗެއަރޕާސަންކަމަށް ކުރިމަތިލައްވައިފައިވާ ، މިނިސްޓަރު ފައްޔާޒް އިސްމާއީލް ތުރުކުރައްވަނީ މިލަވެ، ހަރުވެފައިވާ ޖިންސެއްކަމަށް މާފަންނު މެދު ދާއިރާގެ އެމްޑީޕީގެ މެމްބަރު އިބްރާހީމް ރަޝީދު (ބޮންޑޭ) ވިދާޅުވުމުން އެކަން ކުށްވެރިކޮށްފިއެވެ.
ފައްޔާޒްގެ ކެންޕެއިން މެނޭޖަރު، އިބްރާހިމް ވަހީދު (އިބްރޭ) ވިދާޅުވީ ވާދަވެރި ކެނޑިޑޭޓްގެ ކެމްޕެއިން ޓީމްގެ މެންބަރުން ފައްޔާޒަށް ފުރައްސާރަކުރުމުން ކުށްވެރި ކުރައްވާ ކަމަށެވެ.
ފައްޔާޒްގެ ފޮޓޯއެއް ޓްވީޓް ކުރައްވަމުން ބޮންޑޭ ވިދާޅުވީ، މިލަވެ ހަރުއަރައިފައިވާ ޖިންސެއް ލައިގެން އަބަދު އުޅުމަކީ އަދި އަދި ގޭބީސީތަކަށް ވަނުމަކީ އެމްޑީޕީގެ މެންބަރުން ބަލައިގަންނާނެ ކަމެއް ނޫން ކަމަށެވެ. އަދި ސާފުތާހިރު ކަމުގެ ނަމޫނާ ދައްކާން ކޮންމެ މެންބަރަކު ވެސް ބޭނުންވާނެ ކަމަށް ވިދާޅުވިއެވެ.
ބޮންޑޭއަކީ މި އިންތިޚާބުގައި ދެން ވާދަ ކުރައްވާ އިމްތިޔާޒް ފަހްމީއަށް ތާއީދު ކުރައްވާ ބޭފުޅެކެވެ.
Ads by STO
