ޚަރަދު ކުޑަކުރަން ލަންކާގެ ޤާނޫނު ހަދާ މަޖިލިސް ކަރުދާހާ ދުރަށް!
އަވައްޓެރި ސްރީލަންކާއަށް މިހާރު ކުރިމަތިވެފައިވާ އިގްތިޞާދީ ކާރިސާއާ އެކު އެ ގައުމުގެ ޤާނޫނު ހަދާ މަޖިލީހުގައި ކަރުދާސް ބޭނުންކުރުން އެއްކޮށް ހުއްޓައިލާން ޤާނޫނު ހަދާ މަޖިލީހުގެ އިދާރީ ކޮމިޓީން ނިންމައިފިއެވެ.
ކޮމިޓީގެ މިނިންމުމާ އެކު ގާނޫނުހަދާ މަޖިލީހުގެ ރައީސް މަހިންދަ ޔަޕާ އަބޭވަރްދޭނާ ވިދާޅުވީ ކޮމިޓީގެ މިނިންމުމާ އެކު ހުރިހާ ރިޕޯޓްތައް މެއިލް މެދުވެރިކޮށް ފޮނުވާގޮތަށް ނިންމައިފައިވާ ކަމަށެވެ. އޭގެ ތެރޭގައި އަހަރީ ރިޕޯޓް ވެސް ހިމެނެއެވެ.
މި ނިންމުމަކީ ލަންކާއަށް ކުރިމަތިވެފައިވާ އިގްތިޞާދީ ކާރިސާގެ ސަބަބުން ގާނޫނު ހަދާ މަޖިލީހުގެ ޚަރަދުތައް ކުޑަކުރުމާ އެކު ތިމާވެއްޓަށް ގެއްލުންވާ މިންވަރު ކުޑަކުރުމަށް ނިންމި ނިންމުމެކެވެ.
ގާނޫނު ހަދާ މަޖިލީހުގެ މިނިންމުމާ އެކު ރިޕޯޓްތަކާއި އެ ނޫން ވެސް ޑޮކިޔުމެންޓްތައް މެމްބަރުންނަށް ދެން ފޮނުވާނީ އީމެއިލް މެދުވެރިކޮށެވެ. މީގެ އިތުރުން ކޮމިޓީން ވަނީ ގާނޫނު ހަދާ މަޖިލީހުގެ ވެބްސައިޓްގައި މިކަމަށް ޚާއްސަކޮށް ޕޯޓަލްއެއް ހިމެނުމަށް ވެސް ނިންމައިފައެވެ.
ދުވަސް ކޮޅަކުން ހުރިހާ ކަމެއްވެސް ހޮޅުއަށީގައި ތިބެގެން އަގަބަހުން ނިންމާލާނީ، ސިޔާސީ ވަފާތެރި ކެހިވެރި ޗޯރުން ޤައުމުތަކުގެ މާލިއްޔަތު ލޫޓުވާލީ ވަކިވަރެއް ބަލާފަކައެއްނޫންވިއްޔާ ބަގުރޫޓު ނުވެނުދާނެތާ !