މުދަލުގެ އަގުހެޔޮ ކުރަން ގޮވައިލި ހުށަހެޅުން ބޭރުކޮށްލައިފި
ދިވެހި ރާއްޖޭގައި މުދަލާއި ޚިދުމަތްތަކުގެ އަގު ބޮޑުވުމުގެ ސަބަބުން ރައްޔިތުންނަށް ކުރިމަތިވަމުންދާ ދަތިތަކާއި ގޮންޖެހުންތައް ކުޑަކޮށް، ތަކެތީގެ އަގުތައް ތިރިކުރުމަށް ސަރުކާރަށް ގޮވައިލައި ރައްޔިތުންގެ މަޖިލީހަށް ހުށަހެޅި މައްސަލަ ބޭރުކޮށްލައިފިއެވެ.
މިއަދު އޮތް ރައްޔިތުންގެ މަޖިލީހުގެ ޖަލްސާއަށް މި މައްސަލަ ހުށަހަޅުއްވައިފައި ވަނީ މަޑުއްވަރީ ދާއިރާގެ މެންބަރު އާދަމް ޝަރީފް އުމަރެވެ.
މި މައްސަލައިގައި ބުނެފައި ވަނީ ރާއްޖޭގައި ދިވެހިންގެ އާންމު ދިރިއުޅުމަށް ކޮންމެހެން ބޭނުންކުރާ މުދަލުގެ އަގު ބޮޑުވެ، ރައްޔިތުންގެ އަތް ނުފޯރާ ހިސާބަށް އަގުތައް މަތިވެ، ރާއްޖޭގެ އިންފްލޭޝަން އުފުލެމުން ދިއުމާއި ރާއްޖޭގައި އުފައްދާ ތަކެތީގެ އަގުތައް ވެސް އުފުލެމުންދާ ކަމަށެވެ. އަދި ސަރުކާރާއި ސަރުކާރުގެ ކުންފުނިތަކުން ދޭ ހިދުމަތްތަކުގެ އަގުހެޔުކޮށް، މުދަލުގެ އަގުހެޔޮ ކުރުމަށް ސަރުކާރަށް ވަނީ ގޮވައިލައްވައިފައެވެ.
މި ހުށަހެޅުން ބަލައިގަތުމަށް ވޯޓު ދެއްވީ ނުވަ މެންބަރުންނެވެ. މައްސަލަ ބަލައިގަތުމާ ދެކޮޅަށް 29 މެންބަރުން ވޯޓު ދެއްވިއެވެ. އެހެންވެ މަޖިލީހުން މިއަދު ވަނީ މި މައްސަލަ ބޭރުކޮށްލައިފައެވެ.
މިދިިޔަ 50 އަހަރު ތެރޭގައި ސަރުކާރު ހިންގި މީހުން ވަނީ ބޮޑެތި ރިބާލޯނު ނަގާ އެމީހުނަށް ފައިދާ ލިބޭ ގޮތަށް އެލޯން ރައްޔިތުންނަށް ވެސް ދޫކޮށްފައި، ލޯން ނުނެގި މީހުނަށް ފުލެޓް އަޅާދީ ފުލަޓެއް އެއްޗެއް ދީގެން ވެސް ރިބާލޯންގެ ދަރަނި އެންމެން ބޮލުގައި އަޅުވާފައި މިވަނީ ! ރިބާ ކެއުން ހުއްޓާލާނެ ސަރުކާރެއް ހޯދަން އެބަޖެހޭ !ރިބާ ގެ ލޯނުތަކާއި ނުލާ ރިބާ ނުހިމެނޭ ބަޖެޓަކުން ޤައުމު ހިންގަދޭނެ ރައީސަކު ހޮވަންއެބަޖެހޭ ރައްޔިތުން !