އިންޑިއާގައި ވަޅަކަށް ވެއްޓުނު ކުއްޖަކު ހަތަރު ދުވަސް ފަހުން ސަލާމަތްކޮށްފި
އިންޑިއާގައި ފުން ވަޅެއްގައި ތާށިވި ހާއްސަ އެހީއަށް ބޭނުންވާ ކުޑަކުއްޖަކު ފަސް ދުވަސް ފަހުން ސަލާމަތްކޮށްފިއެވެ.
އަންގާރަ ދުވަހު ވަޅުން ސަލާމަތް ކުރި ރާހުލް ސަހޫއަކީ އިވުމާއި ވާހަކަ ދެއްކުމުގެ ނުކުޅެދުންތެރިކަން ހުންނަ ކުއްޖެކެވެ.
އިންޑިއާގެ އުތުރުގެ ސިޓީއެއް ކަމަށްވާ ޖަންޖުގިރުގެ ހުރި 80 ފޫޓްގެ އެ ވަޅަށް އޭނާ ވެއްޓިފައި ވަނީ ހުކުރު ދުވަހު މެންދުރު ގޭގެ ގޯތި ތެރޭގައި ކުޅެން އުޅެނިކޮށެވެ.
އެ ކުއްޖާ ސަލާމަތް ކުރުމުގެ ގޮތުން ވަޅު ކައިރިން ބިން ގަރާހެއް ކޮނުމުގައި ސިފައިންނާއި ކާރިސާތަކާ ބެހޭ އޮފީހުގެ މުވައްޒަފުން ހަރަކާތްތެރިވިއެވެ.
ސްޓެޗާއެއްގެ އެހީގައި އެ ވަޅުން އެ ކުއްޖާ ނެގީ މިދިޔަ ބުދަ ދުވަހުގެ ރޭ ދަންވަނިކޮށެވެ. ވަޅުން ނެގުމާ އެކު އެ ކުއްޖާ ވަނީ ފަރުވާއަށް ހޮސްޕިޓަލަށް ގެންގޮސްފައެވެ.
ހޮސްޕިޓަލާ ހަވާލާދީ މީޑިއާ ރިޕޯޓްތައް ބުނެފައިވާ ގޮތުގައި އެ ކުއްޖާގެ ހާލު ރަނގަޅެވެ.
އެ ކުއްޖާ ސަލަމާތްކުރުމަށް، 500އަށް ވުރެ ގިނަ މީހުންނާ އެކު 104 ގަޑިއިރުގެ ބޮޑު އޮޕަރޭޝަނެއް ހިންގިއެވެ. ސަރުކާރުގެ ކަމާބެހޭ އިދާރާތަކާއި އާންމުންގެ ގިނަ ބަޔަކު ވެސް އެކަމުގައި ބައިވެރިވިއެވެ.
Ads by STO
