ޓައިވާނުން ޗައިނާގެ އަސްކަރީ ބޯޓުތަކަށް ހުރަސް އަޅައިފި
ޓައިވާންގެ ވައިގެ ދިފާއީ ސަރަހައްދުގެ ތެރެއަށް އިއްޔެ ވަދެގެން އުޅުނު ޗައިނާގެ ވައިގެ ސިފައިންގެ ހަނގުރާމަމަތީ މަތިންދާ ބޯޓުތަކަށް، ޓައިވާންގެ ވައިގެ ސިފައިންގެ މަތިންދާ ބޯޓުތަކުން އިއްޔެ ހުރަސް އަޅައިފިއެވެ.
އަންގާރަ ދުވަހު ޗައިނާގެ ހަނގުރާމަ މަތިންދާބޯޓުތަކުން ވަދެގަތުމަކީ މެއި މަހުގެ ފަހުކޮޅުން ފެށިގެން ޗައިނާއިން ޓައިވާންގެ ވައިގެ ދިފާއީ ސަރަހައްދުތަކަށް އެންމެ ބޮޑަށް ވަތް ފަހަރެވެ.
ޗައިނާގެ އެންމެ ފަހުގެ މިޝަންގައި 17 ހަނގުރާމަ މަތިންދާބޯޓާއި އެޗް-6 ބޮން ގޮއްވާ ހަ ބޯޓުގެ އިތުރުން ސަބްމެރިންއާއި ވައިގެ މަގުން ތެޔޮ އަޅާ މަތިންދާ ބޯޓެއް ހިމެނޭ ކަމަށް ޓައިވާނުގެ ޑިފެންސް މިނިސްޓްރީން ބުނެއެވެ.
ޗައިނާގެ މަތިންދާ ބޯޓުތައް ދުރަށް ޖެއްސާ އިންޒާރު ދިނުމަށް ޓައިވާނުން ހަނގުރާމައިގެ މަތިންދާ ބޯޓުތައް ފޮނުވިއިރު، އެ މަތިންދާ ބޯޓުތައް މޮނިޓަރ ކުރުމަށް މިސައިލް ސިސްޓަމްތައް އެކްޓިވްކުރި ކަމަށް ކަމަށް އެ މިނިސްޓްރީން ބުނެއެވެ.
އަމިއްލަ ވެރިކަމެއް ކުރަމުން އަންނަ ޓައިވާނުން ބުނާ ގޮތުގައި އެއީ މިނިވަން ގައުމެކެވެ. ނަމަވެސް ޗައިނާއިން ދެކޭ ގޮތުގައި ޓައިވާނަކީ ޗައިނާގެ ބައެކެވެ. ޓައިވާންގައި އޮންނަނީ ހުޅަނގުގެ ހަތިޔާރު ބޭނުންކުރާ އަސްކަރިއްޔާއެކެވެ. ޗައިނާގައި އުފައްދާ އެއްވެސް ހަތިޔާރެއް އަދި ޗައިނާ ފައިސާއެއް ވެސް ޓައިވާންގައި ބޭނުމެއް ނުކުރެއެވެ.
ޓައިވާނާއި ޗައިނާއާ ދެމެދު ކޯޅުންތައް އިތުރުވެފައިވާ އިރު، އެމެރިކާ އިން ދާދި ފަހުން ބުނެފައި ވަނީ، ޗައިނާއިން ޓައިވާނާ ދެކޮޅަށް ބާރުގެ ބޭނުންކޮށް ތައިވާންގެ ދިފާއުގައި އެމެރިކާއިން ބާރުގެ ބޭނުންކުރާނެ ކަމަށެވެ.
