މިސްކިތުން ވައްކަން ކުރަން އުޅުނު ދެ މީހަކު ހައްޔަރުކޮށްފި
މާލޭގެ ޖަލާލުއްދީން މިސްކިތުން ވައްކަން ކުރަން އުޅުނު ކަމުގެ ތުހުމަތުގައި ދެ މީހަކު ހައްޔަރުކޮށްފިއެވެ.
މިކަން ހާމަކޮށް، މާލޭގެ މޭޔަރު ޑރ.މުހައްމަދު މުއިއްޒު ވިދާޅުވީ ރޭ ޖަލާލުއްދީން މިސްކިތުން ވައްކަން އުޅުނު ދެ މީހަކު ހުއްޓުވައި ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.
އެ މީހުންގެ ވައްކަން ފަޅާ އަރާފައިވަނީ ސިޓީ ކައުންސިލުން މާލޭގެ މިސްކިތްތައް މޮނިޓަރު ކުރުމަށް ހަރުކޮށްފައިވާ ސީސީޓީވީ ކެމެރާއިންނެވެ.
މުއިއްޒު ވަނީ މިސްކިތްތަކަކީ އަމާން ރައްކާތެރި ތަނަކަށް ހެދުމަށް އެންމެން އެކުގައި މަސައްކަތް ކުރަންޖެހޭ ކަމަށް ކުރެއްވި ޓްވީޓްގައި ވިދާޅުވެފައެވެ.
މާލޭގެ މިސްކިތްތަކުގެ ސަލާމަތީ ކަންކަން ވަރުގަދަކުރުމުގެ ގޮތުން މާލެއާއި ވިލިމާލެ ހިމެނޭ ގޮތަށް ޖުމްލަ 39 މިސްކިތެއްގައި މާލެ ސިޓީ ކައުންސިލުން ސީސީޓީވީ ކެމަރާ ހަރުކޮށްފައެވެ. މި ކެމެރާތައް 24 ގަޑިއިރު އެ ކައުންސިލްގެ މުވައްޒިފުން ދަނީ މޮނިޓަރ ކުރަމުންނެވެ.
މިސްކިތުން ވައްކަން މުއައްސަސާތަކުން ވައްކަން ކައުންސިލް ތަކުން ވައްކަން ލިވާތުން ވައްކަން ކޮވިޑުން ވައްކަން ކަނބުރުގެ ތެރޭން އަތްކަން މުޅި ޤައުމުގައި ވައްކަން މުޅި ދައުލަތް ވަށާ ވައްކަން މަގުފާރުތަޢ ވައްކަން ބޯހަލާކުވާހާ ކަންކަން މީޙިޔާނާތުގެ 10 އަހަރުގެ ވައްކަން
މާދަން ދޫކޮއްލާނެ! ތިޔަ މީހުންއަތުން ދައުލަތަށް ލިބޭނެ ލޯލާރިއެއްވެސް ނޯންނާނެ.. ޖެހޫނަސް ޖެހޭނީ ތަކުލީފެއްނު