މީމަށް ކުރެއްވި ދަތުރުފުޅަށްފަހު ރައީސް މާލެ ވަޑައިގެންފި
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މީމު އަތޮޅުގެ ފަސް ރަށަކަށް ކުރެއްވި ރަސްމީ ދަތުރުފުޅު ނިންމަވައިލެއްވުމަށްފަހު މިއަދު ހެނދުނު މާލެ ވަޑައިގެންފިއެވެ.
ރައީސްގެ މި ދަތުރުފުޅުގައި ވަޑައިގަތީ ރަތްމަންދުއާއި, މަޑުއްވަރިއާއި, ދިއްގަރާއި ވޭވަށާއި, މުއްޔަށެވެ.
އެ ގޮތުން ރައީސް ވަނީ އެ ރަށްރަށުގެ ކައުންސިލްތަކާއި, އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކާ ބައްދަލުކުރެއްވެވިއެވެ. އަދި ބައެއްރަށްރަށުގެ ރައްޔިތުންނާ ބައްދަލުކުރައްވައި އެ ރައްޔިތުންގެ ޚިޔާލު ހޯއްދެވިއެވެ.
މީގެ އިތުރުން ރައީސް ވަނީ ވޭވަށުގެ ބަނދަރާއި, އެ ރަށުގައި އަލަށް ޢިމާރާތްކުރި އިންޖީނުގެއާއި, އިންޖީނުގޭގެ އޮފީސް ހުޅުއްވައި ދެއްވައިފައެވެ. އަދި ދިއްގަރުގެ ގޮނޑުދޮށް ހިމާޔަތްކުރުމުގެ މަޝްރޫޢު ނިންމުމުގެ ރަސްމިއްޔާތުގައި ވެސް ބައިވެރިވެވަޑައިގެންނެވިއެވެ.
ހަމައެެއާއެކު ދިއްގަރުގެ ވޮލީ ކޯޓު ހުޅުވުމުގެ ގޮތުން ކުރިއަށްދިޔަ ވޮލީ މެޗުގައި ވެސް އެމަނިކުފާނު ވަނީ ބައިވެރިވެވަޑައިގެންފައެވެ.
Ads by STO
