ހުޅުލޭ ފަރަށް އެރި ބޯޓު ތިން ލައްކަ ރުފިޔާއިން ޖޫރިމަނާކޮށްފި
މި މަހުގެ ދެވަނަ ދުވަހު ހުޅުލޭ ފަރަށް އެރި ކޮންޓެއިނަރު ބޯޓު ތިން ލައްކައަށްވުރެ ގިނަ ރުފިޔާއިން ޖޫރިމަނާކޮށްފިއެވެ.
އެ ބޯޓަކީ ''އެމްވީ ޗެން ގްލޯރީ 9'' ނަމަކަށް ކިޔާ ބޯޓެކެވެ.
އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ) އިން އެ ބޯޓު ފަަރަށް އެރުމުން ލިބުނު ގެއްލުންތައް ބެލުމަށް އެ އުޅަނދުގެ ވެރި ފަރާތުން އައްޔަންކުރި ސާވެޔަރަކާއެކު މި މަހުގެ 10 ގައި އެ އެޖެންސީން ސާވޭއެއް ކޮށްފައިވާ ކަމަށެވެ.
އެ ސާވޭއިން އެނގުނު ގޮތުގައ ފަރުގައި އެ އުޅަނދު ޖެހިފައިިވާތީ ފަރަށް ކޮންމެވެސް މިންވަރެއްގެ ގެއްލުންތަކެއް ލިބުނުކަމަށް އީޕީއޭއިން ބުންޏެވެ.
އީޕީއޭއިން ބުނީ 365,000 ރުފިޔާއިިން އެ އުޅަނދު ޖޫރިމަނާކުރަން ނިންމައި ފައިސާ ދައްކަން 30 ދުވަހުގެ މުއްދަތެއް ދިން ކަމަށާއި, އެ އުޅަނދުގެ ލޯކަލް އެޖެންޓު ގްރޭސް އެޓޯލް ޕްރައިވެޓް ލިމިޓެޑުން މި މަހުގެ 13 ވަނަ ދުވަހު އެ ފައިސާ ދައްކާފައިވާ ކަމަށެވެ.
