އަޒްހާން ކަމަށް ބެލެވޭ މީހާގެ ހަށިގަނޑު ޕޯސްޓް މޯޓަމް ހެދުމަށް އިންޑިއާއަށް

ހުޅުމާލޭ ދެވަނަ ފިޔަވަހިން ގެއްލިގެން ހޯދަމުންދިޔަ މުހައްމަދު އަޒުހާންގެ ހަށިގަނޑު ޕޯސްޓްމޯޓަމް ހަދަން ބޭރަށް ފޮނުވައިފިއެވެ.

Ads by Sosun Fihaara

ފުލުހުން ބުނީ ޕޯސްޓްމޯޓަމް ހެދުމަށް އަޒްހާންގެ ހަށިގަނޑު މިއަދު އިންޑިއާ އަށް ފޮނުވާފައިވާ ކަމަށެވެ.

އަޒްހާން ގެއްލިގެން ހޯދަމުން ދަނިކޮށް އޭނާ ފެނިފައިވަނީ ހުޅުމާލެގައި އޮންނަ ސްކޭޓު ޕާކާއި ދިމާލުން ވަލުތެރެއިންނެވެ. އޭނާގެ ހަށިގަނޑު ފެނުނު އިރު އޮތީ ވަރަށް ބޮޑަށް ކުނިވެފައެވެ.

ފުލުހުން ބުނީ މިހާތަނަށް ލިބިފައިވާ މައުލޫމާތުން މިހާތަނަށް އަޒްހާން މަރާލާފައިވާ ކަމުގެ އެއްވެސް ހެއްކެއް ގަރީނާއެއް ލިބިފައި ނުވާ ކަމަށެވެ.

އަޒުހާން ގެއްލިގެން ފުލުހުން ރިޕޯޓު ކޮށްފައިވަނީ ސެޕްޓެމްބަރު 20 ވަނަ ދުވަހުގެ ރޭގެ ވަގުތެއްގައެވެ. އޭގެފަހުން އޭނާ ހޯދުމުގެ މަސައްކަތް ފުލުހުން ދިޔައީ ކުރަމުންނެވެ.