ރަސްމީ ދަތުރުފުޅެއްގައި ރައީސް ނަޝީދު އެމެރިކާއަށް ވަޑައިގަންނަވަނީ

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރަސްމީ ދަތުރުފުޅެއްގައި އެމެރިކާގެ ވޮޝިންޓަނަށް ފުރާވަޑައިގަތުމަށް ހަމަޖެހިއްޖެއެވެ.

Ads by Sosun Fihaara

ރައްޔިތުންގެ މަޖިލީހުގެ މިއަދުގެ ޖަލްސާ ފައްޓަވަމުން ރައީސް ނަޝީދު ވިދާޅުވީ، އެމެރިކާއަށް ކުރައްވާ ދަތުރުފުޅަކީ ވޯލްޑް ބޭންކާއި އިންޓަނޭޝަނަލް މަނިޓަރީ ފަންޑް (އައިއެމްއެފް)ގެ އަހަރީ ޖަލްސާއާއެކު ބާއްވާ ކްލައިމެޓް ބަލްނަރަބްލް 20 ގައުމެއްގެ މާލީ ވަޒީރުންގެ ބައްދަލުވުމުގައި ބައިވެރިވުމަށް ކުރައްވާ ދަތުރުފުޅެއް ކަމަށެވެ.

ރައީސް ނަޝީދު ވިދާޅުވީ މިއަދު ފައްޓަވާ އެ ދަތުރުފުޅު ނިންމަވާލައްވާނީ މި މަހު 19ގައި ކަމަށެވެ. އަދި އެ ދަތުރުފުޅުގެ ހަރަދުތައް ހަމަޖައްސަނީ އެ ފޯރަމް އިންތިޒާމުކުރާ ފަރާތުން ކަމަށް ވެސް ވިދާޅުވިއެވެ.

ލަންކާގެ އިގްތިސާދީ ހާލަތު ރަނގަޅުކުރަން ސްރީ ލަންކާގައި އެހީ ހޯދުމަށްޓަކައި ބޭއްވި ބައްދަލުވުމެއްގައި ވެސް ރައީސް ނަޝީދު ވަނީ ބައިވެވަޑައިގެންފައެވެ.