ގޯއްޗާއި ފްލެޓަށް އެދި 35,000 އަށްވުރެ ގިނަ ފޯމު
ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން، މާލޭ ރައްޔިތުންނަށް ޚާއްސަކޮށްގެން ދޫކުރާ ގޯއްޗާއި ފްލެޓަށް އެދި ހުށައެޅުމަށް ހުޅުވާލި ފުރުޞަތު ހަމަވިއިރު 35,800އަށް ވުރެ ގިނަ ފޯމް ހުށައަޅައިފިއެވެ.
ހައުސިން މިނިސްޓްރީގެ ސްޓޭޓު އަކްރަމް ކަމާލުއްދީން ކުރެއްވި ޓްވީޓެއްގައި ބުނެފައިވަނީ ބިންވެރިޔާ މަޝްރޫއުގެ ދަށުން ގޯއްޗަށް އެދި ޖުމްލަ 15،164 މީހުން ފޯމު ހުށަހަޅާފައިވާކަމަށާއި ގެދޮރުވެރިޔާ މަޝްރޫއުގެ ދަށުން ފުލެޓަށް އެދި ޖުމްލަ 20،697 މީހަކު ހުށަހަޅާފައިވާ ކަމަށެވެ.
މާލޭ ރައްޔިތުންނަށް ދޫކުރާ ގޯތިތަކަށް ކުރިމަތިލާން ހުޅުވައިލީ ޖޫން 26 ގައެވެ. ފޯމް ހުށަހެޅުމުގެ ފުރުޞަތު ހަމަވެފައިވަނީ ހޮނިހިރު ދުވަހުގެ ރޭ 00:00 ގައެވެ.
ސަރުކާރުން ކުރިއަށްގެންދާ ''ގެދޮރުވެރިން'' ޕްރޮގްރާމުގެ ދަށުން ހުޅުމާލެއިން 1000 ގޯއްޗާއި ގުޅިފަޅުން 2000 ގޯއްޗަށް ވަނީ ހުޅުވައިލާފައެވެ. އޭގެއިތުރުން މި ބުރުގައި ހުޅުމާލެއިން 4000 ފުލެޓު ދޫކުރަން ވަނީ ނިންމާފައެވެ.
ފޮމުލީ އެއްމެންނަށްވެސް ހިޔާވެހިކަން ދެއްވާށި!
ބިންވެރިޔާ އާއި ގެދޮރުވެރިޔާ ކިޔާއިގެން މޮޅެތި ނަންދީގެން މިއުޅެނީ މީގެ ތަފާތަކީ ކޮބައިތޯ ! ބިންވެރިޔާ އެއީ އެއްވަނަ ދަރަޖައިގެ ދިވެހިންތޯ ؟ ގެދޮރުވެރިޔާ ދެވަނަ ދަރަޖައިގެ ދިވެހިންތޯ ؟
އަބަދުވެސް 35 ހާސް މީހުންތޯ ކުރިމަތިލަނީ، ކުރީސަރުކާރުން ވެސްބުނީ ހަމަ މިހާކަަށްވަރަށް ކުރިމަތިލިވާހަކަ ، އަސްލު ރާއްޖޭގައި ބޯހިޔާ ވަހިކަމަކަަށް އެހާބޮޑު ޑިމާންޑެއްވެސް ނެތް، ރިބާ ލޯން ނަގައިގެން ބަޔަކަށް ފައިދާ ހޯދަން ކުރާކަމެއްވިއްޔާ ! ރިބާގެ ދަރަނި ލޯން ތަކުގައި ބޮޑީ ! ރިބާ ކެއުން ހުއްޓާލަންޖެހޭ !