އާސަންދަ ކަސްޓަމަރ ސަރވިސް އޮފީސް ހިންގުން އެހެން ތަނަކަށް ބަދަލުކޮށްފި
އާސަންދަ ކަސްޓަމަރ ސަރވިސް އޮފީސް ހިންގުން އަމީނީމަގުގައި ހުންނަ ފެންބިލްޑިންގ އަށް ބަދަލުކޮށްފިއެވެ.
އާސަންދަ ކޮމްޕެނީ ލިމިޓެޑުން ބުނީ އެސްޓީއޯ ޓްރޭޑް ސެންޓަރުގެ 3 ވަނަ ފަންގިފިލާގައި ހުރި އާސަންދަ ކަސްޓަމަރ ސަރވިސް އޮފީސް މިއަދުން ފެށިގެން ހުންނާނީ އަމީނީމަގުގައި ހުންނަ ފެންބިލްޑިންގެ 3 ވަނަ ފަންގިފިލާގައި ކަމަށެވެ.
އާސަންދަ ކުންފުނީގެ ހެޑް އޮފީސް ވެސް ހިންގަނީ އެ ޢިމާރާތުގައެވެ.
އާސަންދަ ކަސްޓަމަރ ސަރވިސް އޮފީހުން ޚިދުމަތް ފޯރުކޮށްދޭނީ ރަސްމީ ދުވަސްތަކުގައި ހެނދުނު 08:00 އިން ހަވީރު 16:00 އަށް އަދި ހޮނިހިރު ދުވަހު ހެނދުނު 09:00 އިން މެންދުރުފަހު 13:00 އަށެވެ.
އާސަންދަ ކުންފުންޏަކީ ރާއްޖޭގެ އިޖުތިމާއީ ސިއްހީ އިންޝުއަރެންސްގެ ޤައުމީ ނިޒާމުގެ މަސައްކަތްތައް ހިންގާ ބެލެހެއްޓުމަށްޓަކައި 2011 ވަނަ އަހަރު ސަރުކާރުން ގާއިމުކޮށްފައިވާ ކުންފުންޏެކެވެ.
