މިނިވަންކަން ނެގެހެއްޓުމުގައި ދިވެހިން ވަނީ ނަމޫނާ ދައްކާފައި: ޖަމީލު
ހީލަތްތެރި ރޭވުންތަކަށް ފާރަވެރިވެ، ހޭލައި ތިބެގެން، މި ފަސްގަނޑު ހިމާޔަތްކުރަން ޢަޒުމް އައު ކުރަންޖެހޭ ކަމަށް ކުރީގެ ނައިބު ރައީސް ޑރ.މުޙައްމަދު ޖަމީލު އަޙްމަދު ގޮވައިލައްވައިފިއެވެ.
ޑރ.ޖަމީލު މިފަދައިން ވިދާޅުވީ، މިއަދު ފާހަގަކުރާ، މި އަހަރުގެ ނަޞްރުގެ ދުވަހާ ގުޅިގެން ކުރެއްވި ޓުވީޓެއްގައެވެ.
ޖަމީލު ވިދާޅުވީ ނަޞްރުގެ ދުވަހު ސާބިތުކޮށްދެނީ މިނިވަންކަމުގެ ދިފާޢުގައި ދިވެހިން ޝަހީދުވާން ތައްޔާރަށް ތިބިކަން ކަމުގައެވެ. އަދި ކުޑަ ގައުމަކުން މިނިވަންކަން ނެގެހެއްޓުމުގައި ދިވެހިން ވަނީ ނަމޫނާ ދައްކާފައިކަމަށް ވެސް އެ މަނިކުފާނު ވިދާޅުވިއެވެ.
ނަޞްރުގެ ދުވަހުގެ ގޮތުގައި ފާހަގަކުރަނީ، ކޮންމެ އަހަރެއްގެ ވެސް ނޮވެމްބަރު މަހުގެ ތިން ވަނަ ދުވަހެވެ. އެ ދުވަސް ފާހަގަކުރަނީ 1998 ވަނަ އަހަރުގެ ނޮވެމްބަރުމަހުގެ ތިން ވަނަ ދުވަހު ރާއްޖެއަށް ކުލީ ސިފައިންގެ ބަޔަކު އަރައި ދިން ޢުދުވާނީ ހަމަލާއިން ދިވެހީން ހޯދި ކާމިޔާބީ ފާހަގަ ކުރުމަށެވެ. ނަވާރަ ދިވެހީން ޝަހީދުވެގެން ދިޔަ އެ ޢުދުވާނީ ހަމަލާއަށް، މިއަދު 34 އަހަރު ފުރުނީއެވެ.
