ތޮއްޖެހިގެން އުޅޭ ބިދޭސީންގެ ސައްހަ ރިޕޯޓު ހިއްސާ ކުރެއްވުމަށް މޫސަ ގޮވައިލައްވައިފި
މާލޭ ސިޓީގައި ތޮއްޖެހިގެން ދިރިއުޅޭ ބިދޭސީންގެ ސައްޙަ ރިޕޯޓް ހާމަކުރެއްވުމަށް އެމްޑީޕީގެ ކުރީގެ ޗެއަރޕާސަން މޫސާ މަނިކު(ރީކޯ) ގޮވައިލައްވައިފިއެވެ.
މާލޭގެ މޭޔަރު ޑރ.މުޙައްމަދު މުޢިއްޒު ޓެގްކުރައްވައި، މޫސަ މިއަދު ކުރެއްވި ޓްވީޓެއްގައި ވަނީ މާލޭސިޓީ ގެ ދިރާސާއެއް ކުރައްވާފައިވާނަމަ ގަރާޖު ހުރި އަދަދާ ގަރާޖު ނެތި މަގުމަތީގައި ވެހިކަލް މަރާމާތުކުރާ އަދަދުތަކާއި ކުދި ކޮޓަރިތަކުގައި ތޮއްޖެހިގެން ދިރިއުޅޭ ބިދޭސީންގެ ސައްޙަ ރިޕޯޓު މާލޭގެ ރައްޔަތުންނަށް ހާމަކޮށްދެއްވަން ވީނޫންތޯ އައްސަވައިފައެވެ.
ރޭ ދަންވަރު މާލޭގެ މ.ނިރުފެހި ގޭގައި ހިނގި އަލިފާނުގެ ހާދިސާގައި 10 މީހަކު މަރުވިއެވެ. އެނގިފައިވާ ގޮތުގައި މި ހާދިސާގައި މަރުވީ ބިދޭސީންނެވެ. މަރުވި މީހުންގެ ތެރޭގައި ތިން އަންހެނުންވެސް ހިމެނެއެވެ.
ރައީސް އިބްރާހީމް މުޙައްމަދު ޞާލިޙު މިއަދު ވިދާޅުވީ ހާދިސާ ހިނގިގޮތް ރަނގަޅަށް ތަހުޤީޤު ކުރެއްވުމަށް އަންގަވާފައިވާނެ ކަމަށެވެ.
އިދިކޮޅު ޕީޕީއެމް-ޕީއެމްސީގެ ކޯލިޝަނުން ވަނީ، އެއްވެސް ކަމެއް ނުފޮރުވައި، އަލިފާނުގެ ހާދިސާ ހިނގި ގޮތް ބެލުމަށް ސަރުކާރަށް ގޮވައިލައްވައިފައެވެ. އަދި މިފަދަ ހާދިސާތައް ހިނގުމުގެ ކުރިން އަޅަންޖެހޭ ރައްކާތެރިކަމުގެ ފިޔަވަޅުތައްވެސް އެޅުމަށް އެ ކޯލިޝަނުން ގޮވައިލިއެވެ.
ތޮއްޖެހުމެއްނޫން މިއުލެނީކީ . އެމްޑީޕީ ގެ ސަބަބުން ދިވެހިގައުމަށް ގެއްލުންލިބިގެންދިއުމާއި ގައުމުގެ ތަރައްގިއަށް އެމްޑިޕީން ހުރަސް އަޅާތީ ފެންނަ ނަތީޖާތައް މިފެންނަނީ.. ކޮންމެ ފަހަރަކު އެމްޑީޕީ ވެރިކަމަށް އައިސް ގައުމު ފުނޑާލާ. އެމްޑިޕީ ގެ ފުރަތަމަ ވެރިކަމުގެ 5 އަހަރު 32 ބިލިއަނަށް ދަރަނި ވެރިކަމަށް އައި އިރު ދަވްލަތުގެ އެކައުންޓްތަކުގަ އަތޮޅުތަކުގައާއި މާލޭގަ ހުރި ހުރިހާ ރިޒާވް އެއްކަހާލާ ބޭނުންކުރި އިރު ތަރައްގީދިޔައީފަހަތައް. މިހާރު 115 ބިލިއަނަށް ދަރަނި އެރި އިރު ގައުމު މިދަނީ ފަހަތައް މޫސަމެންގެ ޖީބު ފުލް. ތިލަފުށި ހިއްކުމުގެ ނަމުގަ 21 މިލިއަނޑޮލަރު. އެކްސްޗޭންޖް ރެޓް ގެތަފާތޭ ކިޔާފަ 52 މިލިއަން ރުފިޔާ. ލ.އަތޮޚުގަހުރިހާ ފަޅުރަށް. ވާހަނުދައްކާ މާތާހިރެއްނުވާނެ.
ބޭރުމީހުން އެތެރެވަނީވެސް ހަމައެއް ލަމައެއްނެތި މިޤައުމަށް މިހާރު، ބޭރުމީހުން ގިނައިން ގެންގުޅެނީވެސް ކުންފުނި ހިގާ ރީކޯ މެންކަހަލަ މީހުން ދިވެހިން ނަށް ވަޒީފާ ނުދީ !
އަދި ހެވީލޯޑަށް ލިބުނު އާމްދަނީއާއި ކުންފުނީގައި ބޭރުމީހުން ތިބި އަދަދުވެސް ހާމަކުރަންވީ ނުންތޯ !
އަދި ހެވީ ލޯޑުން ޓެކުސް ދެއްކިވަރުވެސް ހާމަކުރަންވީނުން !