ހަސަން ކުރުސީގެ ނަމުގައި ސޯޝަލްމީޑިއާގައި އުޅެނީ އަޅުގަނޑެއް ނޫން: ނަޝީދު
''ހަސަން ކުރުސީ'' ގެ ނަމުގައި ސޯޝަލްމީޑިއާގައި އެއްޗެހި ޝާޢިއުކޮށް ހަދަނީ އެ މަނިކުފާނެއް ނޫންކަމަށް ރައްޔިތުން މަޖިލީހުގެ ރައީސް މުޙައްމަދު ނަޝީދު މިއަދު ވިދާޅުވެއްޖެއެވެ.
ނަޝީދު މިއަދު ކުރެއްވި ޓުވީޓެއްގައި ވިދާޅުވީ ހަސަން ކުރުސީއަކީ އެ މަނިކުފާނުގެ ބައެއް ލިޔުންތަކުގެ ޙަޤީީީޤީ-ޚިޔާލީ ޝަޚުސެއް ކަމަށާއި އޭނާއަކީ އެ މަނިކުފާނުގެ ޠަބިއްޔަތު ބަޔާން ނުކޮށްދޭ ޝަޚުސިއްޔަތެއް ކަމަށް ދަންނަވަން އުނދަގޫ ކަމަށެވެ.
އެހެނަސް އެއީ ޖިސްމާނީ ގޮތުން އަޅުގަނޑެއް ނޫން. ލިޔުމަކުން އުފެދުނު ޝަޚުސެއް މި ދަރަޖައަށް ދިރިގެންދާކަމީ އަޅުގަނޑަށް ލިބޭ ވަރަށް ބޮޑު އުފަލެއް. ނަމަވެސް ހަސަން ކުރުސީގެ ނަމުގައި ސޯޝަލްމީޑިއާގައި ޝާޢިއުކުރަނީ ހަމަ ކަށަވަރުން ވެސް އަޅުގަނޑެއް ނޫން.
ރައީސް ނަޝީދު މިހެން ވިދާޅުވެފައި މިވަނީ ހަސަން ކުރުސީގެ ނަމުގައި ހަދާފައިވާ ޓްވިޓާ އެކައުންޓަކީ އެ މަނިކުފާނުގެ އެކައުންޓެއްކަމަށް މީދޫ ދާއިރާގެ މެންބަރު ރޮޒައިނާ އާދަމް ތުހުމަތު ކުރައްވާފައިވަނިކޮށެވެ.
ނަޝީދު.ދޮގެއްހެދެން އޮއްވާ ތެދެއް ހެދުމަކީ ނާދިރުކަމެއް!