މައްސަލަ ހައްލުކޮށް، ހިޔާ ފްލެޓްތަކަށް ކަރަންޓު ދީފި

ކަރަންޓު ކޭބަލްއަކަށް ގެއްލުންވެ، ކަރަންޓު ކެނޑުނު ހިޔާގެ ހުރިހާ ފުލެޓަކަށް އަލުން ކަރަންޓު ދީފައިވާ ކަމަށް ސްޓެލްކޯ އިން ވިދާޅުވެއްޖެއެވެ.

Ads by Sosun Fihaara

ހިޔާ ފުލެޓުތަކުން ކަރަންޓު ކެނޑުނީ މިއަދު 11:00 ހާއިރުގައެވެ. ސްޓެލްކޯއިން ވިދާޅުވީ ކަރަންޓު ކެނޑުނީ ދިމާވި ޓެކްނިކަލް މައްސަލައަކާއި ގުޅިގެން ކަމަށެވެ.

މި މައްސަލަ ހައްލުކޮށް ސްޓެލްކޯ އިން ދެންމެ ކުރި ޓްވީޓެއްގައި ބުނެފައިވަނީ މައްސަލަ ހައްލުކޮށް މިހާރު ހިޔާ ޓަވަރުތަކަށް ކަރަންޓު ދީފައިވާ ކަމަށެވެ.

ހުޅުމާލޭ ދެވަނަ ފިޔަވަހީގައި އަޅާފައިވާ ކަރަންޓު ކޭބަލްތަައް އަޅާފައިވަނީ އެޗްޑީސީންނެވެ. ދެވަނަ ފިޔަވައްސަށް ކަރަންޓު ދިނުމުގައި ސްޓެލްކޯގެ ދައުރަކީ އެ ކުންފުނީގެ އިންޖީނުގެއިން ކޭބަލެއް ދެވަނަ ފިޔަވަހީގައި ގާއިމުކޮށްފައިވާ ސަބްސްޓޭޝަނަކަށް ގެންގޮސް އެ ސަބްސްޓޭޝަން މެދުވެރިކޮށް ކަރަންޓު ފޯރުކޮށްދިނުމެވެ.