ގަލޮޅު ދަނޑު ކައިރިއަށް ޖަމާވި ބިދޭސީންތަކެއް ފައްސާލައިފި
ގައުމަށް ދާން ބޭނުންވާ ކަމަށް ބުނެ، ގަލޮޅު ބޯޅަ ދަނޑު ސަރަހައްދަށް ޖަމާވި ބިދޭސީންތަކެއް ފުލުހުން ފައްސާލައިފި އެވެ.
Ads by STELCO
އެ މީހުން އެ ސަރަހައްދަށް ޖަމާވާން ފެށީ މިއަދު ހެނދުނު ގާތްގަނޑަކަށް 9:00 ހާއިރުއެވެ.
އެތާ ތިބި ބައެއް ބިދޭސީންނާ ހަވާލާދީ "ސަން"އިން ރިޕޯޓު ކޮށްފައިވާ ގޮތުގައި އެ މީހުން އެތަނުގައި ކިއު ހެދީ އަނބުރާ ރަށަށް ދާން ނަން ނޯޓް ކުރަން ބޭނުން ވާތީ، އެކަމަށް އެދެން ކަމަށެވެ.
ނަމަވެސް، އިކޮނިމިކް މިނިސްޓްރީން ބުނީ އެ ސަރަހައްދުގައި ބިދޭސީންނާ ގުޅޭ އެއްވެސް ކަހަލަ ހަރަކާތެއް އެ މިނިސްޓްރީން ނުހިންގާ ކަމަށާއި އެ މީހުން އެތަނަށް ޖަމާވެގެން އުޅެނީ އަމިއްލައަށް ކަމަށެވެ.
ފުލުހުން ވަނީ އެތަނަށް ގޮސް އެ މީހުން އެ ސަރަހައްދުން ފޮނުވާލާފައެވެ. ނަމަވެސް އަނެއްކާ ވެސް އެމީހުން އެ ސަރަހައްދަށް އެއްވާން ފެށުމުން، އެސްއޯ ފުލުހުން މިހާރު އަންނަނީ އެމީހުން އެ ސަރަހައްދުން ދުރުކުރުމުގެ މަސައްކަތް ކުރަމުންނެވެ.
Ads by HDC
