ރަންބީރާ އާލިއާގެ ދަރިފުޅު އުފަންވުމުން ބާސެލޯނާއިންވެސް މަރުހަބާ ކިޔައިފި
ރަންބީރް ކަޕޫރާއި އާލިއާ ބަޓްގެ ދަރިފުޅުގެ އެންމެ ފުރަތަމަ ފޮޓޯ، އާލިއާގެ އިންސްޓެގްރާމްގައި އާންމު ކުރުމުން ފޭނުން އުފަލުން އުތުރި އަރައިގަތެވެ.
އެ ފޮޓޯގައި އެ އަންހެން ކުއްޖާގެ މޫނު ނުފެނުނު ނަމަވެސް، ކުއްޖާއަަށް ކިޔާ ނަން ވަނީ ހާމަކޮށްފައެވެ. ރަންބީރް އޭނާގެ ދަރިފުޅު ރަހާ އުރައިގެން ހުރިއިރު، ކައިރީގައި އާލިއާ ހުއްޓެވެ. އަދި ދުރުން ފެންނަން ހުރި ބާސެލޯނާގެ ޖާޒީއެއްގައި ރަހާގެ ނަން ލިޔެފައި ހުއްޓެވެ.
މި ފޮޓޯ ހިއްސާކޮށް، ބާސާގެ ރަސްމީ ޓްވިޓަރ އެކައުންޓުން ކުރި ޓްވީޓެއްގައި، އާލިއާއާ ރަންބީރަށް މަރުހަބާ ކިޔައި، އެ ކްލަބުގެ އާ ފޭނެއް އުފަން ވެއްޖެ ކަމަށްވެސް ބުންޏެވެ.
"ތި އެންމެނާ ބާސާއިން ބައްދަލު ކުރަން އަހަރުމެން މިތިބީ ކެތްމަދުވެފައި." ބާސާގެ ޓްވީޓުގައިވެއެވެ.
ބާސާގެ ޓްވީޓަށް ގިނަ ބައެއްގެ ސަމާލުކަން ލިބި، އާލިއާ އަދި ރަންބީރަށް މަރުހަބާ ކިޔާފައިވެއެވެ. ބާސާގެ ޖާޒީއާއެކު އާލިއާ ހިއްސާ ކުރި ފޮޓޯގައި އެކި ބަސް ބަހުން "ރަހާ"ގެ މާނަ ހިއްސާކޮށް ބުނީ، އޭނާއަށް ނަން ދިނީ މާމަ ނީތޫ ކަޕޫރު ކަމަށެވެ. ރަހާއަށް ނަން ދިނީ ކާފަ، ރިޝީއާ ގުޅުވައިލައިގެންނެވެ.
އީ އަޅެ ތާކުން ތާކު ނުޖެހޭ އިންޑިއާ ބައެއް. ޢަހަރުންނަށް ހޔޮ މިމީހުނަށް ކުދިން ލިބުނަސް