ކަލް ހޯ ނާ ހޯއަށް 19 އަހަރު: ކަރީނާއާ ކަރަން ހަތުރުންނަށް ނުވެ ސަލާމާތްވީ ކިރިޔާ
ބޮލީވުޑްގެ ފިލްމުތަކަށް ލޯބިކުރާ މީހުން ކަލް ހޯ ނާ ހޯ އަކީ ޚާއްސަ ފިލްމަކަށްވާނެކަން ޔަޤީނެވެ. ޝާހްރުކްޚާން، ސެއިފްއަލީޚާން، އަދި ޕްރީތީ ޒިންތާ ލީޑް ރޯލުން ފެނިގެން ދިޔަ މި ފިލްމަކީ ތިނެސްކަން ލޯބީގެ ފިލްމެކެވެ.
އެމެރިކާގެ ނިއުޔޯކްގައި ޝޫޓް ކުރި މި ފިލްމު އުފެއްދީ، މަޝްހޫރު ޕްރޮޑިއުސަރ ކަރަން ޖޯހަރެވެ. މި ފިލްމުގައި ސައިފް ކުޅުނު ސަޕޯޓިން ރޯލް އެންމެ ފުރަތަމަ ހުށަހެޅީ ސަލްމާންޚާނަށެވެ. ނަމަވެސް އޭނާ އެ ރޯލު ދޫކޮށްލީ، ޝާހާއެކު ސަޕޯޓިން ރޯލެއް ކުޅެން ބޭނުން ނުވެގެންނެވެ.
ދެން އޮތީ އެންމެ މުހިންމު ރޯލެވެ. ފިލްމުގެ އެންމެ މުހިންމު ރޯލު ކަމުގައިވާ، ލީޑްރޯލު އެންމެ ފުރަތަމަ ދިނީ ކަރީނާ ކަޕޫރަށެވެ. އެހެންނަމަވެސް ކަރީނާ ބޭނުންވި މިންވަރަށް ފައިސާ ނުދެވޭނެ ކަަމަށް ކަރަން ބުނުމުން، އެ ރޯލު ކުޅެން އޭނާ ދެކޮޅު ހެދީއެވެ. އެއަށްފަހު، ބަތަލާގެ ރޯލު ދިނީ ޕްރިތީއަށެވެ. ފަހުން ކަރީނާ ބުނެފައިވަނީ، ޕްރިތީ އެ ރޯލު ކުޅުނީ ވަރަށް ފުރިހަމައަށް ކަމަށް ދެކޭ ކަމަށެވެ. އަދި ފިލްމު ނުކުޅެވުމުން ދެރަވާ ކަމަށްވެސް ކަރީނާ ބުނެފައިވެއެވެ.
މި މައްސަލަ ވެގެން ދިޔައީ ކޮއްކޮއާ ބޭބެގެ ގުޅުން ފަދަ ގާތް ގުޅުމެއް އޮތް ކަރީނާ އާ ކަރަންގެ ގުޅުމަށް ބުރޫ އެރި މައްސަލައަކަށެވެ. ބޮލީވުޑްގެ ޚަބަރުތައް ގެނެސްދޭ ނޫސްތަކުގައިވާ ގޮތުގައި، މި މައްސަަލައަށް ފަހުގައި ކަރީނާއާ ކަަރަން އެކަކު އަނެކަކާ ވާހަކަވެސް ނުދައްކައި، ވަރަށް ގިނަ ދުވަހު ތިއްބެވެ.
މިއަދު ކަލް ހޯ ނާ ހޯއަށް 19 އަހަރު ފުރިގެންދިޔައިރު، މި ފިލްމާ ގުޅުވައިގެން ގިނަ ބަޔަކު އެންމެ ބޮޑަށް އަދިވެސް ދަައްކާ އެއް ވާހަކަ އަކީ، މި ފިލްމާއެކު ކަަރަން ކަރީނާގެ ގުޅުން ކެނޑުނު ވާހަކައެވެ.
ކަރީނާތަ ލީޑުރޯލުން ފެންނަނީ ޕުރިތީ އެއްނޫ ދޯ އަހާލީ ހަމަ