ހައިކޯޓުގައި ފުރަތަމަ ފަހަރަށް އެއް ފަނޑިޔާރަކު މައްސަލައެއް ބައްލަވައިފި
ހައިކޯޓުގައި ފުރަތަމަ ފަހަރަށް އެއް ފަނޑިޔާރަކު އިންނަވައިގެން މިއަދު މައްސަލައެއް ބައްލަވައިފިއެވެ.
ޖިނާއީ އިޖުރާއަތުގެ ޤާނޫނަށް ގެނެވުނު އިސްލާހާއެކު ފުރަތަމަ ފަހަރަށް ހައިކޯޓުގައި މައްސަލައެއް ބެއްލެވީ ފަނޑިޔާރު މުޙައްމަދު ނިޔާޒެވެ.
ހައިކޯޓުގައި ބައެއް ބާވަތްތަކުގެ މައްސަލަތައް އެއް ފަނޑިޔާރަކަށް ބެއްލެވޭ ގޮތަށް ޖިނާއީ އިޖުރާއަތުގެ ޤާނޫނު އިސްލާހުކޮށް ރައީސް އިބްރާހިމް މުޙައްމަދު ޞާލިޙް އެ ބިލު ތަސްދީގު ކުރެއްވީ މިދިޔަ މަހުގެ 24 ގައެވެ.
ގެނައި އިސްލާހުގައިވާ ގޮތުން ދަށު ކޯޓުގައި ހިނގަމުންދާ ޝަރީޢަތެއްގެ ކުރިން ހުށަހެޅުން ހުށަހަޅާ މަރުހަލާގައި އެ ކޯޓަކުން ނިންމާ ނިންމުންތަކާއި ޝަރީޢަތުގެ މަރުހަލާގައި ކޯޓަކުން ނެރެފައިވާ ޢަމުރެއްގެ އިސްތިއުނާފީ މައްސަލަތައް ހައިކޯޓުގައި އެއް ފަނޑިޔާކަށް ކުރިއަށް ގެންދެވިދާނެއެވެ.
ހައިކޯޓު އުފެއްދިތާ 42 އަހަރު ފުރިފައިވާއިރު އެ ކޯޓުން މިއަދާ ހަމައަށް މައްސަލަތައް ބައްލަވައި ނިންމަވަނީ އޮނަހިރި އަދަދެއްގެ މައްޗަށް އެކުލެވޭ ފަނޑިޔާރުންގެ މަޖިލީހަކުންނެވެ.
ދަށު ކޯޓުތަކުން ކަނޑައަޅާ ނިޔާއާމެދު ޔަޤީންކަން އިތުރުކޮށް, އިތުބާރު ބޮޑުކުރުމުގެ މަގުސަދުގައި 1980 ވަނަ އަހަރު އޮކްޓޯބަރު މަހުގެ 05 ވަނަ ދުވަހު އުފެއްދި ހައިކޯޓު އެކުލެވިގެންވަނީ އިސް ފަނޑިޔާރާއެކު ޖުމްލަ 11 ފަނޑިޔާރުންގެ މައްޗަށެވެ.
ބަލަ 1 ވެސް އޮނިހިރި އަދަދެއް ނުންތޯ، ތިޔައި ދެން އެހާ ހާއްސަ ކަމެއްތޯ !