ޕޮލިސް ބޯޑަށް ކުރީގެ ކޮމިޝަނަރ އޮފް ޕޮލިސް ފަޞީހް
ޕޮލިސް ބޯޑަށް ކުރީގެ ކޮމިޝަނަރ އޮފް ޕޮލިސް އަޙްމަދު ފަޞީހު އައްޔަންކޮށްފިއެވެ.
Ads by MWSC
ޕޮލިސް ބޯޑަށް ފަޞީހު އައްޔަންކުރީ އެ ބޯޑުގެ ރައީސްކަމުގެ މަޤާމުގައި ހުންނެވި މއ.މަނާގޭ ޢަލީ ފާއިޒް ރާއްޖެއިން ލަންކާއަށް ކަނޑައަޅުއްވާފައި ހުންނަވާ ސަފީރުކަމަށް އައްޔަންކުރުމާ ގުޅިގެންނެވެ.
ފަޞީހަކީ ރައީސް މުޙައްމަދު ނަޝީދުގެ ވެރިކަމުގައި ކޮމިޝަނަރ އޮފް ޕޮލިސްގެ މަޤާމުގައި ހުންނެވި ބޭފުޅެކެވެ. އޭނާ ވަނީ އެމްޓީސީސީގެ ޑެޕިއުޓީ ސީއީއޯގެ މަޤާމު ވެސް އަދާކުރައްވައިފައެވެ.
ހަތް މެންބަރުންގެ މައްޗަށް އެކުލެވޭ ޕޮލިސް ބޯޑުގައި މިހާރު ތިއްބެވީ އަޙްމަދު ފަޔާޒް ޙަސަނާއި އަޙްމަދު ނާޝިދާއި އާދަމް އިބްރާހީމާއި ޢާއިޝަތު ނޫރާ މުޙައްމަދާއި ޙާމިދު ޢަބްދުލްޣަފޫރާއި ސަފާ ޝަރީފެވެ.
Ads by Allied Insurance
