އެމްޑީޕީގެ ރިޔާސީ ޕްރައިމަރީގައި ވާދަކުރާނަން: ރައީސް ނަޝީދު

އެމްޑީޕީގެ ރިޔާސީ ޕްރައިމަރީގައި ވާދަކުރައްވާނެ ކަމަށް އެމްޑިޕީގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

Ads by MWSC

ރައީސް ނަޝީދު ކުރެއްވި ޓްވީޓެއްގައި ވިދާޅުވީ އެމަނިކުފާނު އެމްޑީޕީގެ ރިޔާސީ ޕްރައިމަރީގައި ވާދަކުރަން ނިންމާފައިވާ ކަމަށެވެ. އަދި ޕާޓީގެ ހުރިހާ މެންބަރުންގެ ވޯޓް އެމަނިކުފާނަށް ދެއްވުމަށް ވަނީ އެދިފައެވެ.

އަންނަ ޖެނުއަރީ 28ވީހުގައި އެމްޑީޕީގެ ރިޔާސީ ޕްރައިމަރީގެ ވޯޓުލުން ބާއްވަން ކަނޑައަޅައި ކުރިމަތިލާން ހުޅުވާލައިފައިވަނީ މިއަދުގެ ވަގުތެއްގައެވެ.

އެމްޑީޕީގެ ރިޔާސީ ޕްރައިމަރީ 2023 ޓައިމްލައިން

• 18 ޑިސެމްބަރ 2022: ރިޔާސީ ޕްރައިމަރީ އިއުލާން ކުރުން
• 18 ޑިސެމްބަރ 2022: ރިޔާސީ ޕްރައިމަރީ ކުރިމަތިލުމަށް ފުރުޞަތު ހުޅުވާލުން
• 24 ޑިސެމްބަރ 2022: ކެންޑިޑޭޓުން ވާދަ ކުރުމުގެ ފޯރމް ބަލައިގަތުމުގެ މުއްދަތު ހަމަވުން (16:00 އަށް)
• 26 ޑިސެމްބަރ 2022: ކެންޑިޑޭޓުންގެ ފައިނަލް ލިސްޓު، ކެންޑިޑޭޓް ނަންބަރާ އެކު އިއުލާން ކުރުން
• 28 ޑިސެމްބަރ 2022: ރިޔާސީ ޕްރައިމަރީ ވޯޓަރޒް ލިސްޓް އާންމު ކުރުމާއި، ލިސްޓަށް ޝަކުވާ ހުށަހެޅުމަށް ހުޅުވާލުން
  31 ޑިސެމްބަރ 2022: ވޯޓަރޒް ލިސްޓަށް ހުށަހަޅާ ޝަކުވާ ބަލައިގަތުމުގެ މުއްދަތު ހަމަވުން (16:00 އަށް)
• 03 ޖެނުއަރީ 2023: ރިޔާސީ ޕްރައިމަރީ ފައިނަލް ވޯޓަރޒް ލިސްޓް އާންމު ކުރުން
• 10 ޖެނުއަރީ 2023: ކެންޑިޑޭޓް މަންދޫބުންނަށް ފުރުޞަތު ހުޅުވާލުން
• 15 ޖެނުއަރީ 2023: ކެންޑިޑޭޓް މަންދޫބުންނަށް ފުރުޞަތު ބަންދުވުން
• 28 ޖެނުއަރީ 2023: ރިޔާސީ ޕްރައިމަރީ ވޯޓްލާ ދުވަސް

އެމްޑީޕީގެ ރިޔާސީ ޕްރައިމަރީގައި ވާދަކުރައްވާނެކަން ނަޝީދު އިއުލާންކުރައްވާފައިވާއިރު ރައީސް އިބްރާހިމް މުހައްމަދު ސޯލިހް ވެސް މީގެކުރިން ވަނީ ދެވަނަ ދައުރަކަށް ތައްޔާރަށް ހުންނެވިކަން ހާމަކުރައްވާފައެވެ.