ޝުޖާޢު ސަރުކާރަށް: ސުލްޙަވެރި އެއްވުންތަކަށް ޖާގަދީ
ސުލްޙަވެރި އިޙްތިޖާޖަށް ޖާގަ ދިނުމަށް ޕީއެންސީގެ ނައިބު ރައީސް އިބްރާހީމް ޝުޖާޢު ގޮވައިލައްވައިފިއެވެ.
ޕީޕީއެމްގެ ރިޔާސީ ކެންޑިޑޭޓް، ރައީސް ޔާމީން އަބްދުލްޤައްޔޫމް، 11 އަހަރަށް ޖަލަށް ލުމަށް، މިމަހުގެ 25 ވަނަ ދުވަހު ދަށު ކޯޓުން ކުރެއްވި ޙުކުމާ ގުޅިގެން، އެމަނިކުފާނު މިނިވަން ކުރުމަށް ގޮވާލައި، ޕީޕީއެމް-ޕީއެންސީގެ ކޯލިޝަނުން ދަނީ އިޙްތިޖާޖު ކުރަމުންނެވެ.
ސިލްސިލާކޮށް ކުރިއަށް ގެންދާ އެއްވުންތަކުގެ ތެރެއިން، މިރޭގެ އެއްވުމުގައި ބައިވެރިވި 21 މީހަކު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ. ހައްޔަރު ކުރި މީހުންގެ ތެރޭގައި ޕީއެންސީގެ ނައިބު ރައީސް މުޙައްމަދު ސަޢީދުވެސް ހިމެނިވަޑައިގަންނަވައެވެ.
ޝުޖާޢު ކުރެއްވި ޓްވީޓެއްގައި ވަނީ ސަޢީދު މިހައިރުން މިހައިރަށް ދޫކޮށްލަން ގޮވައިލައްވައި، ސުލްޙަވެރި އެއްވުންތަކަށް ޖާގަ ދިނުމަށްވެސް އިލްތިމާސް ކުރައްވައިފައެވެ.
އޭނާ އިތުރަށް ވިދާޅުވީ އަނިޔާވެރިކަން ނިމޭނެ ކަމަށެވެ.
ރައީީސް ޔާމީން މާފުށީ ޖަލަށް ބަދަލު ކުރުމާއެކު، އިދިކޮޅުން ފެށި އިޙްތިޖާޖު، އެމަނިކުފާނު މިނިވަން ކުރަންދެން، ކުރިއަށް ގެންދާނެ ކަމަށް އިދިކޮޅުން ވަނީ ބުނެފައެވެ.
ޕީޕީއެމް ސަރުކާރު އޮތްއިރު އެއްވާން ބޭނުމިއްޔާ ދާންޖެހެނީ ހައްޖަށޯ. މިހާރު ކޮންވާހަކައެއް ތިދައްކަނީ. ޔާމީނުގެ ބަސް ސުޖާއުމެނަށް ގަބޫލު ނުކުރެވެނީތޯ