އަލުން އަނބުރާ އެމްޑީޕީއޭ ހީވާން ފަށައިފި: އީވާ
މި މަހުގެ 28 ވަނަ ދުވަހު ބާއްވާ އެމްޑީޕީގެ ރިޔާސީ ޕްރައިމަރީގައި ވާދަކުރައްވާ، އެ ޕާޓީގެ ރައީސް މުޙައްމަދު ނަޝީދުގެ "ފިކުރެއްގެ ދިރުން" ކެމްޕެއިން ފެށުމާއެކު، " އަލުން އަނބުރާ އެމްޑީީޕީ ހެން" ހީވާން ފަށައިފައިވާ ކަމަށް ރައީސް ނަޝީދަށް ތާއީދު ކުރައްވާ، ގަލޮޅު އުތުރު ދާއިރާގެ މެމްބަރު އީވާ ވިދާޅުވެއްޖެއެވެ.
އީވާ ކުރެއްވި ޓްވީޓެއްގައި ވިދާޅުވީ، ރައީސް ނަޝީދާއެކު އިއްޔެ ގިނަ ހަރަކާތްތަކެއް ހިންގުނު ކަމަށެވެ. އެގޮތުން ހެނދުނު މާލޭގައި ދޮރުން ދޮރަށް ހިންގަވައި، މެންދުރު އެމްޕީއެލްގެ މަސައްކަތްތެރިންނާ ބައްދަލު ކުރެއްވުނު ކަމަށެވެ. އަދި ހަވީރު އަނެއްކާވެސް ދޮރުން ދޮރަށް ހިންގަވައި، ރޭ ބޮނޑިބަތް ޕާކުގައި ރައީސް ނަޝީދު ސަޕޯޓަރުންނާ ބައްދަލު ކުރެއްވިކަން އީވާ ފާހަގަކުރެއްވިއެވެ.
ރައީސް ނަޝީދު މިހާރު ހުންނެވީ ފުވައްމުލައް ސިޓީގައެވެ. އެ ސިޓީން އެމަނިކުފާނަށް ހޫނު މަރުހަބާއެއް ކިޔާފައިވެއެވެ.
މި މަހު ބާއްވާ ޕްރައިމަރީގައި ރައީސް ނަޝީދާ ވާދަ ކުރައްވަނީ، އެމްްޑީޕީގެ އިސް ލީޑަރު، ރައީސް އިބްރާހީމް މުޙައްމަދު ޞާލިޙެވެ. ރައީސް ނަޝީދު ވިދާޅުވީ، އެމަނިކުފާނަށް ޕްރައިމަރީ ކާމިޔާބު ކުރެވޭނެ ކަމާމެދު ޝައްކު ނުކުރައްވާ ކަަމަށާއި، އެމަނިކުފާނު މިހައިތަނަށް އިންތިޚާބަކުން ބަލިވެސް ނުވާ ކަމުގައެވެ.
ދުނިޔޭގެ ދިރިއުޅުމުގެ ހަގީގީ މަގުސަދު ހަނދާންނެތިފަ ތިބޭ ތިކަހަލަ ދެއުޅިއެއް ނުވާ ބައިގަނޑުތައް ތިބޭނީ އަބަދުވެސް ހީވުމެއްގެ ޔެތޭގައި..ތިޔަ ހީވުމާއި އުންމީދުގެ ތެރެއަށް ޣަރަގުކުރުވުމަށްފަހު ނާކާމިޔާބު ކުރަށްވާށި!