ހއ އަދި ބ އަތޮޅު ކައުންސިލްގެ ރައީސުންގެ ތާއީދު ރައީސް ނަޝީދަށް
މި މަހު އޮންނަ ރިޔާސީ ޕްރައިމަރީގައި، ހއ އަދި ބ އަތޮޅު ކައުންސިލްގެ ރައީސުންގެ ތާއީދު ރައީސް މުޙައްމަދު ނަޝީދަށް ކުރާކަން ހާމަކޮށްފިއެވެ.
ހއ އަތޮޅު ކައުންސިލްގެ ރައީސް މޫސާ ޝަފީޤް މިއަދު އާއްމުކުރެއްވި ވީޑީއޯއެއްގައި ވިދާޅުވީ، މުޅި ހދ ރައްޔިތުންގެ ކައިރިޔަށް ދެވުނު ކަމަށާއި ރައްޔިތުން އެދޭ ހެޔޮވެރިކަމެއް ކުރެވިދާނެ ކަމަށް ރައްޔިތުނުްނަށް އެބޭފުޅުން ވެސް ވައުދުވި ކަމަށެވެ.
ނަމަވެސް ރައްޔިތުން އެދޭ ހެޔޮވެރިކަމެއް ކުރުމަށް މިއަދު ގޮންޖެހުންތަކެއް ހުރި ކަމަށާއި އެ ގޮންޖެހުންތައް ހައްލު ކުރެވޭނެ ހަމައެކަނި ގޮތަކީ ރައީސް ނަޝީދު އަލުން އަނބުރާ ވެރިކަމަށް ގެނައުން ކަމަށް ވިދާޅުވެއެވެ.
ބ އަތޮޅު ކައުންސިލްގެ ރައީސް އަޙްމަދު އަފްރާޙް މިއަދު ކުރެއްވި ޓްވީޓެއްގައި ވަނީ ރައީސް ނަޝީދަށް ތާއީދު ކުރައްވާކަން ހާމަކުރައްވާފައެވެ.
މި މަހު 28 ވަނަ ދުވަހު އޮންނަ އެމްޑީޕީގެ ރިޔާސީ ޕްރައިމަރީއަށް ދުވަސް ކުޑަތަންވަމުންދާ ވަރަކަށް ޕްރައިމަރީގެ ފޯރި ދަނީ ގަދަވަމުންނެވެ. ޕްރައިމަރީގައި ވާދަކުރައްވާ ރައީސް މުޙައްމަދު ނަޝީދާއި ރައީސް ޞާލިޙް އަންނަނީ ރަށްރަށުގައި ކެންޕެއިން ހަރަކާތްތައް ކުރިޔަށް ގެންދަވަމުންނެވެ.
