އިންތި ވިދާޅުވަނީ ރައީސް ޞާލިޙުގެ ކިބައިގައި "ކޮލިޓީ"އެއް ނެތް ކަމަށް
މޯލްޑިވިއަން ޑިމޮކްރެޓިކް ޕާޓީ(އެމްޑީޕީ)ގެ ރިޔާސީ ޕްރައިމަރީގައި ވާދަކުރައްވާ ރައީސް އިބްރާހީމް މުޙައްމަދު ޞާލިޙުގެ ކިބައިގައި "ކޮލިޓީ"އެއް ނެތް ކަމަށް ވިދާޅުވެ، ރައްްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ވިދާޅުވެއްޖެއެވެ.
އިމްތިޔާޒު ރޭގެ ވަގުތެއްގައި ކުރެއްވި ޓްވީޓެއްގައި ވިދާޅުވެފައިވަނީ، އެމްޑީޕީގެ އިސް ލީޑަރު، ރައީސް ޞާލިޙުގެ ކިބައިގައި، އެމްޑީޕީގެ ކެންޑިޑޭޓެއްގެ ކިބައިގައި ހުންނަން ޖެހޭ ފެންވަރުވެސް ނެތް ކަމަށެވެ. އަދި އެ ކޮލިޓީވެސް ނެތް ކަމަށެވެ.
އެމްޑީޕީގެ ރިޔާސީ ޕްރައިމަރީ އޮތީ މިމަހުގެ 28 ވަނަ ދުވަހުއެވެެ.
މި އިންތިޚާބުގައި ރައީސް ނަޝީދާ ވާދަކުރައްވަނީ ރައީސް ޞާލިޙެވެ. އިންތިޚާބުގައި ވާދަކުރައްވާ ދެ ކެންޑިޑޭޓުންވެސް ކެމްޕެއިން ވަރަށް ފޯރީގައި ކުރިއަށް ގެންދަވާއިރު، މިއީ އެމްޑީޕީގެ ތާރީޚުގައި ބާއްވާ އެންމެ ފޯރިގަދަ ޕްރައިމަރީއަށް ވާނެ ކަމަށް ބެލެވެއެވެ.
