ނަޝީދު ރައީސް ޞާލިޙަށް: ވެރިކަމުގެ ލައްޒަތާއި އިއްޒަތް ލިބުމުން ދުރަށް ޖެހެން އުނދަގޫވެދާނެ

ވެރިކަމުގެ ލައްޒަތާއި އިއްޒަތް ލިބުމުން ދުރަށް ޖެހެން އުނދަގޫވެދާނެ ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.

Ads by MWSC

އެމްޑީޕީ ރިޔާސީ ޕްރައިމަރީގެ ކެންޕެއިންނަށް މިހާރު އަތޮޅު ތެރޭގެ ރަށްރަށް ކުރައްވަމުން ގެންދަވާ ދަތުރުފުޅުގެ ތެރެއިން ބ. އޭދަފުއްޓަށް ވަޑައިގެން އެރަށުގެ ރައްޔިތުންނާ ބައްދަލުކޮށް ދެއްކެވި ވާހަކަފުޅުގައި ނަޝީދު ވިދާޅުވީ ރައީސް ޞާލިޙް ވެރިކަމަށް ގެންނަން އެންމެން އެއްބަސްވީ އިތުރު ގޮތެއް ނެތިގެން ކަމަށެވެ.

އަދި ވެރިކަމުގެ ލައްޒަތާއި އިއްޒަތް ލިބެން ފެށުމުން ވެރިކަމުން ދުރަށްޖެހިވަޑައިގަންނަވަން އުނދަގޫވެދާނެ ކަމަށާއި ރައީސް
ޞާލިޙަށް އެއްވެސް ތާއީދެއް ނެތްް ކަމަށް ރައީސް ޞާލިޙް ވިދާޅުވިއެވެ.

“ލައްޒަތާއި އިއްޒަތް ގަދަރާއި މި ހުރިހާ ވެރިކަމުގެ މަންފާއެއް ލިބެންފެށީމާ އުނދަގޫފުޅުވެދާނެ އެތަނުން ދުރަށްްޖެހިވަޑައިގަންނަވަން" ނަޝީދު ވިދާޅުވިއެވެ.

މީގެ އިތުރުން ނަޝީދު ވިދާޅުވީ ރައީސް ޞާލިޙް އެންމެ ފުރަތަމަ ވެރިކަމަށް ވަޑައިގަތީ 18 މަސް ދުވަހަށް ކަމަށާއި ނަޝީދު ވެރިކަމުގައި ހުންނަތަން ދެކެން ބޭނުން ކަމަށް ވިދާޅުވި ކަމަށެވެ.

ނަޝީދު ވަނީ، ޕްރައިމަރީން މޮޅުވާނެ ކަމަށާއި އެކަމާމެދު ޝައްކު ނުކުރައްވާކަން ތަކުރާރު ކުރައްވައިފައެވެ.