ސަރުކާރުގެ ވަޒީފާތައް ގިނަވާތީ ނަޝީދުގެ ނުރުހުން: އެއީ ކޮމިއުނިސްޓް ޤައުމުތަކުގެ އުސޫލު
ޒުވާނުންނަށް ސަރުކާރުގެ ވަޒީފާތައް ދޭތީ އެއީ، އެ މީހުން ކޮންޓްރޯލް ކުރަން ކުރާ ކަމެއް ކަމަށް ބުނެ ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ފާޑު ވިދާޅުވެއްޖެއެވެ.
މިއަދު ތ. ގުރައިދުއަށް ވަޑައިގެން އެރަށުގައި ދެއްކެވި ވާހަކަފުޅުގައި ރައީސް ނަޝީދު ވިދާޅުވީ، މިއަދު ރާއްޖެއިން ފެންނަމުންދާ، ސަރުކާރުގެ ވަޒީފާތަކަށް ޒުވާނުން ވެއްދުމުގެ ސިޔާސަތަކީ ކޮމިއުނިސްޓް ޤައުމުތަކުން އާއްމުކޮށް ފެންނަ ސިޔާތެއް ކަމަށެވެ.
ރައީސް ނަޝީދު ވިދާޅުވީ، ކޮމިއުނިސްޓް ގައުމުތަކުގައި ހުރިހާ ރައްޔިތުން ތިބެނީ ސަރުކާރު ހިއްސާވާ ކުންފުނިތަކުގައި ކަމަށާއި ސަރުކާރަށް ނުކިޔަމަންތެރިވާނަމަ ދިރިއުޅުން އާރާސްތު ކުރުމުގެ ފުރުސަތު ގެއްލޭ ކަމަށެވެ.
ރައީސް ނަޝީދުގެ ވާހަކަފުޅުގައި އިތުރަށް ވިދާޅުވީ އެގޮތަށް ވަޒީފާ ދީގެން ކޮންޓްރޯލް ކުރުވަން މަސައްކަތް ކުރާކަމަށެވެ. އަދި އެއީ ރަށު ތަރައްޤީއަށް އެޅޭ ހުރަހެއް ކަމަށް ވިދާޅުވިއެވެ.
"ސްކޫލު ނިންމާ ކުދިން 5-6 ރުފިޔާގެ މުސާރައަކަށް މަގު ކޮންނަން ޖެއްސީމަ، އެއީ ރަށު ތަރައްގީ ގެއްލޭ ކަމެއް" ރައީސް ނަޝީދު ވިދާޅުވިއެވެ.
އާރުޑީސީއާއި ފެނަކައަށް ވަރަށް ބޮޑަށް ފާޑު ވިދާޅުވަމުން ރައީސް ނަޝީދު ވިދާޅުވީ، ސަރުކާރުގެ ހުރިހާ ކަމެއް ސަރުކާރުގެ ކުންފުނިތަކުން ކުރުން އެއީ އެންމެ ރަނގަޅު ސިޔާސަތު ނޫން ކަމަށެވެ. އަދި އެމްޑީޕީގެ ސިޔާސަތަކީ އަމިއްލަ ފަރުދުންނާއި ވިޔަފާރި ބާރުވެރި ކުރުވުން ކަމަށް ވިދާޅުވިއެވެ.
ރައީސް ނަޝީދު ވަނީ ސަރުކާރުން ލޯނުތައްދޭ އުސޫލަށް ވެސް ފާޑު ވިދާޅުވެފައެވެ. މިގޮތުން އެސްއެމްއީ ލޯނުތައް ދެނީ ބަލާފައި ނުދެއްކޭ ވަރުގެ މީހުންނަށް ކަމަށާއި، އެއީ ވެސް ކޮންޓްރޯލް ކުރަން ކުރާ ކަމެއް ކަމަށް ވިދާޅުވިއެވެ.
ދިވެހިރާއްޖޭގެ ގާނޫނުއަސާސީ އޮތްގޮތުން ސިޔާސީ މަގާމް ތަކެއް ނުދެވެނެ. ވަޒީރުންގެ އިތުރުން ލެއްވޭނީ ރައީސް އޮފީހުގެ ރައީސްގެ މަސްއޫލިއްޔަތަށް އެހީވާ މުވައްޒަފުން އެ ވެސް ގާނޫނުއަސަސީގެ 97 ވަނަ މާއްދާގެ ބުނާ ގާނޫނު ހެދިގެން
ނަސީދުގެ ވެރިކަމުގަ ނަސީދު ވަނީ 700 ސިޔާސީ މަގާމް އުފައްދާފަ. ގާނޫނުއަސާސީއާއި ހިލާފަށް ހަރަދު ކޮށް ގައުމަށް ބޮޑެތި ގެއްލުން ދިނަމީހަކީ ތިޔޔަ ނަސީދު .