ރައީސް ނަޝީދު އެދިލެއްވީ ވަކި ކުރި ކޮންމެ މެންބަރަކު އިތުރު ދެ ވޯޓް ހޯދައިދެއްވުމަށް
މޯލްޑިވްސް ޑިމޮކްރެޓިކް ޕާޓީ އެމްޑީޕީގެ ދަފްތަރުން ވަކިކުރި 39،000 މީހުންގެ ތެރެއިން ރައީސް ނަޝީދަށް ތާއީދު ކުރައްވާ ކޮންމެ ބޭފުޅަކު އިތުރު ދެ ވޯޓް ހޯދަވައިދެއްވުމަށް އެމަނިކުފާނު އެދިވަޑައިގެންފިއެވެ.
އެމްޑީޕީގެ ރިޔާސީ ޕްރައިމަރީގައި ތާއީދު ހޯއްދެވުމަށް މިހާރު ރަށްތަކަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ތ. މަޑިފުއްޓަށް ވަޑައިގެން ދެއްކެވި ވާހަކަފުޅުގައި ރައީސް ނަޝީދު ވަނީ އެންމެ ވޯޓެއް ވެސް ބާކީ ނުކޮށްލުމަށް ވަނީ އިލްތިމާސް ކުރައްވާފައެވެ.
"އަޅުގަނޑަށް ވޯޓް ދީފާނެ ކަމަށް ލަފާކުރެވޭ 39،000 މީހުން ކަނޑާލައިފި. އަޅުގަނޑު އެ ބޭފުޅުންނަށް ދަންނަވާލަން ބޭނުންވަނީ ކަޑާލި ކޮންމެ ބޭފުޅަކު އަޅުގަނޑަށް ދެ ވޯޓް ހޯއްދަވާ ދެއްވާށޭ. ނުކަޑާލާ މީހުންގެ ތެރެއިން ދެ ވޯޓް ހޯއްދަވާ ދެއްވާށޭ" ރައީސް ނަޝީދު ވިދާޅުވީ، އެމަނިކުފާނު ފިޔަވާ އިތުރު ޗޮއިސްއަކަށް ދާން ޖެހޭ ސަބަބެއް ނުވިސްނޭ ކަމަށެވެ.
"އަޅުގަނޑަށް ވޯޓް ނުދެއްވަންވީ ސަބަބެއް ޤަބޫލުކުރަން އުދަނގޫ. އަދި އެއްވެސް މެންބަރަކު އަޅުގަނޑު ދޫކޮށް ރައީސް އިބްރާޙީމް މުޙައްމަދު ޞާލިޙަށް ވޯޓް ދޭން ވިސްނާންވީ ސަބަބެއް ވެސް އަޅުގަނޑަކަށް ނޭނގެ"
ރައީސް ނަޝީދުގެ ވާހަކަފުޅުގައި އެމަނިކުފާނު ކޮންމެ ރަށެއްގައި ވެސް ސަރުކާރަށް ކިޔަމުންދާ ފާޑު ވިދާޅުވުންތައް ތަކުރާރު ކުރެއްވިއެވެ. އަދި އެއީ އެމްޑީޕީ ސިޔާސަތުތަކާއި ގޮތްތަކެއް ނޫން ކަމަށް ވިދާޅުވެ، ވިދާޅުވީ، ރައްޔިތުން ބޭނުންވަނީ އެމްޑީޕީގެ ވެރިކަމެއް ކަމަށެވެ.
"އަަނެއްކާ ވެސް މި ރާއްޖެ، ދިވެހިން އިނގޭ އަނެއް ދިވެހި ރާއްޖެއަކަށް ގެންދެވިދާނެކަން" ރައީސް ނަޝީދު ވިދާޅުވިއެވެ.
އެމްޑީޕީ އަށް ސަލާމް ދެރައީސުންގެ ދެބޯގެރި ދުއްވުން ފެނޭ މިވަގުތު ުާމީންގެ އަޑުކަނޑުވައިލުން އަސްލު ދެވެރިންގެ މަގުސަދަކީ އެއްޗަކީ ހަމަ އެކަޗެއް ދެން އިބޫ ވިޔަސް ނަސީދުވިޔަސް ޖެހޭނީ ހަމަ އެއްތާކު އެއްބަޔެއް ފެއިލް