އިންތިޚާބުގެ ކަންކަމުގައި ފައްޔާޒަށް ފުރިހަމައަށް އިތުބާރުކުރަން: ރައީސް ނަޝީދު
އިންތިޚާބުގެ ކަންކަމުގައި އެމްޕީގެ ޗެއާޕާސަން ފައްޔާޒަށް ފުރިހަމައަށް އިތުބާރުކުރާ ކަމަށް އެ ޕާޓީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅުދައްކަވަމުން ރައީސް ނަޝީދު ވިދާޅުވީ ވޯޓަކީ އެމްޑީޕީ މެމްބަރުންނަށް ވަރަށް ފަރިތަކަމެއް ކަމަށެވެ. އަދި ވޯޓުލުން އިންސާފުވެރިކަމާ އެކު ކުރިޔަށް ގެންދިއުމުގެ ކަންކަން ރަނގަޅަށް ބެލެހެއްޓިގެންދާނެ ކަމަށް ރައީސް ނަޝީދު ވިދާޅުވިއެވެ.
“އަޅުގަނޑަށް އިތުބާރު އެބައޮތް ޗެއާޕާސަންގެ މައްޗަށް އަދި އިންތިޒާމު ކޮމިޓީއަށް” ކަމަށް ރައީސް ނަޝީދު ވިދާޅުވިއެވެ.
އެމްޑީޕީގެ ރިޔާސީ ޕްރައިމަރީގައި ވާދަކުރައްވަނީ ކުރީގެ ރައީސް މުހައްމަދު ނަޝީދާއި ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިޙްއެވެ. ދެ ބޭފުޅުން ވާދަކުރައްވާ ފުރަތަމަ އިންތިހާބު ބޯމަތިވެފައިވާއިރު، އެއް ބޭފުޅަކު އަނެއް ބޭފުޅަކަށް ވަރަށް ބޮޑަށް ފާޑުވިދާޅުވެ، ބަހުގެ ހަމަލާތައް އަންނަނީ ރައްދު ކުރައްވަމުންނެވެ.
ވޯޓުލުން އޮންނާނީ މި ހިނގާ ޖެނުއަރީ މަހުގެ 28 ވަނަ ދުވަހު ހެނދުނު 9:00 އިން ހަވީރު 5:00 އަށެވެ.
