އަހަރުމެންގެ ކެންޑިޑޭޓަކީ ރައީީސް ޔާމީން: މުޢިއްޒު
ޕީޕީއެމްގެ ރިޔާސީ ކެންޑިޑޭޓަކީ އެ ޕާޓީގެ ރައީސް އަބްދުﷲ ޔާމީން އަބްދުލްޤައްޔޫމް ކަމަށް މާލެސިޓީގެ މޭޔަރު ޑރ. މުޙައްމަދު މުޢިއްޒު ވިދާޅުވެއްޖެއެވެ.
ޕީޕީއެމްގެ ނައިބު ރައީސް އަދި ރައީީސް ޔާމީންގެ ވެރިކަމުގައި ހައުސިން މިނިސްޓަރުކަން ކުރެއްވި މުއިއްޒު ކުރެއްވި ޓްވީޓުގައި ވިދާޅުވެފައިވަނީ، ފާޑުފާޑު ޕޯލްތައް ހަދާނެ ކަމެއްނެތް ކަމަށެވެ.
އަދި އިދިކޮޅުގެ ކެންޑިޑޭޓަކީވެސް ރައީސް ޔާމީން ކަމަށެވެ.
ރައީސް ޔާމީނަށް މިދިޔަ މަހުގެ 25 ވަނަ ދުވަހު ވަނީ 11 އަހަރުގެ ޖަލު ޙުކުމެއް އިއްވައިފައެވެ. އެ ޙުކުމް އިއްވެވީ، މަނީ ލޯންޑްރިންއާ ރިޝްވަތު ޤަބޫލުކުރުމުގެ ދައުވާ ޘާބިތުވާ ކަމަށް ކަނޑައަޅުމަށްފަހުއެވެ.
އެމަނިކުފާނުގެ ވަކީލުން ގެންދަވަނީ، އެމަނިކުފާނު މިނިވަން ކުރުމަށް މަސައްކަތް ކުރައްވަމުންނެވެ.
ރައީސް ޔާމީން މިނިވަންކުރުމަށް ގޮވާލައި އިދިކޮޅުން ދަނީ އެއްވުންތައް ބާއްވަމުންނެވެ. މި އެއްވުންތަކުގެ ތެރެއިން 150އަށްވުރެ، ގިނަ މީހުން ވަނީ ހައްޔަރު ކޮށްފައެވެ.
Ads by STO
