ރައީސް ނަޝީދަށް 39 އިންސައްތަ، ރައީސްއަށް 61 އިންސައްތަ

އެމްޑީޕީގެ ރިޔާސީ ޕްރައިމަރީގައި ރައީސް މުޙައްމަދު ނަޝީދަށް ލިބިވަޑައިގެންނެވީ 38.9 އިންސައްތަ ވޯޓެވެ.

Ads by STELCO

ވާދަވެރި ކެމްޕެއިނަކަށްފަހުގައި ބޭއްވި މި އިންތިޚާބުގައި ރައީސް ނަޝީދާ ވާދަކުރެއްވި ރައީސް އިބްރާހީމް މުޙައްމަދު ޞާލިޙަށް ލިބިވަޑައިގެންފައިވަނީ 61.1 އިންސައްތަ ވޯޓެވެ. ރައީސް ނަޝީދަށް ލިބިވަޑައިގެންނެވީ 15،641 ވޯޓެވެ. އަދި ރައީސްއަށް 24،566 ވޯޓު ލިބިވަޑައިގެންނެވިއެވެ.

މި އިންތިޚާބުގައި ވޯޓުލާން ނުކުމެފައިވަނީ، އެމްޑީޕީގެ 71.41 އިންސައްތައެވެ.  އެއީ 40،887 މެމްބަރުންނެެވެ.

މި އިންތިޚާބުގައި މުޅި ރާއްޖޭގައި 244 ވޯޓު ފޮށި ބެހެއްޓިއެވެ. އޭގެ ތެރެއިން، ރައީސް ނަޝީދަށް ކުރި ހޯއްދެވުނީ 44 ފޮށީގެ ނަތީޖާއިންނެވެ. ހުރިހައި އަތޮޅަކުންވެސް މެޖޯރިޓީ ހޯއްދެވި ރައީސް ސޯލިހަށް 200 ވޯޓު ފޮއްޓެއްގެ ނަތީޖާއިން ކުރި ލިބިވަޑައިގެންނެވިއެވެ.