ދަންނަ މީހުންނާއި އާއިލާ މީހުންވެސް ރައީސް ޞާލިހަށް ވޯޓެއް ނުދޭނެ: ބޯދިގު
ދަންނަ ރައްޓެހިންނާއި އާއިލާ މީހުންވެސް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހަށް ވޯޓު ނުދޭނެކަމަށް ރައްޔިތުންގެ މަޖިލީހުގެ މައްޗަންގޯޅި އުތުރު ދާއިރާގެ މެމްބަރު މުހައްމަދު ރަޝީދު (ބޯދިގު) ވިދާޅުވެއްޖެއެވެ.
އެމްޑީޕީގެ ސެކްރެޓޭރިއަޓުން ރައީސް ސާލިހް ޕްރައިމަރީ ކާމިޔާބު ކުރެއްވުމާ ގުޅިގެން މަރުހަބާ ކިޔާފައިވާ ޕޯސްޓު ފޭސްބުކުގައި ޝެއާކޮށް ކުރި ޕޯސްޓެއްގައި އޭނާ ވަނީ އެމްޑީޕީން އެކަމާ ފިޔަވަޅު އަޅާނެތޯ ސުވާލުކޮށްފައެވެ.
"އަޅުގަނޑާއި އަޅުގަނޑުގެ އާއިލާ އަދި ރަހުމަތްތެރިއެއްވެސް ނެތޭ އިބްރާހިމް މުހައްމަދު ޞާލިހަށް ވޯޓް ދޭކަށް އެމްޑީޕީއިން ފިޔަވަޅު އަޅާނެބާ؟" ބޯދިގު ވިދާޅުވިއެވެ.
ދާދި ފަހުން ބޭއްވި އެމްޑީޕީގެ ރިޔާސީ ޕްރައިމަރީގެ އިންތިހާބާއެކު އެމްޑީޕީގެ އެތެރޭގެ ކޯޅުންގަނޑު ބޮޑުވެ އިންތިހާބުން ނާކާމިޔާބުވި ކުރީގެ ރައީސް މުހައްމަދު ނަޝީދު ގެންދަވަނީ "ފިކުރެއްގެ ދިރުން" ނަމުގައި އެމްޑީޕީގެ އެތެރޭގައި ގޮތްޕެއް އުފައްދަވަން މަސައްކަތް ކުރައްވަމުންނެވެ. މިއާއެކު ޕާޓީގެ ތެރެއިންނާއި ބޭރުންވެސް އެމަނިކުފާނަށް ވަނީ ފާޑުކިޔުން އަމާޒުވެފައެވެ.
ދެން ކަލޯއަށް ތަ ދޭންވީ ؟
ތިބެދާނެނުން