މުދަލު ޒަކާތުގެ ގޮތުގައި ލިބުނު މިންވަރު ދަށް ވެއްޖެ

މިދިޔަ އަހަރުގެ ޖެނުއަރީ މަހާ އަޅައިބަލާއިރު، މި އަހަރުގެ ޖެނުއަރީ މަހުގައި މުދަލު ޒަކާތް ދެއްކި މިންވަރު މަދު ވެއްޖެއެވެ.

Ads by MWSC

މި ދިޔަ މަހުގައި މުދަލު ޒަކާތުގެ ގޮތުގައި ލިބިފައިވަނީ 5.1 މިލިއަން ރުފިޔާއެވެ. އެއީ މިދިޔަ އަހަރުގެ ޖެނުއަރީ މަހު ލިބުނު އަދަދާ އަޅާބަލާއިރު، 1.9 މިލިއަން ރުފިޔާ މަދު އަދަދެކެވެ. މިދިޔަ އަހަރުގެ ޖެނުއަރީ މަހު މުދަލު ޒަކާތުގެ ގޮތުގައި ލިބުނީ 7.02 މިލިއަން ރުފިޔާއެވެ.

މީރާގެ ތަފާސްހިސާބުތަކަށް ބަލާއިރު، މުދަލު ޒަކާތުގެ ގޮތުގައި މިދިޔަ އަހަރު 91.5 މިލިއަން ރުފިޔާ ލިބުނެވެ. 2021 ވަނަ އަހަރުވެސް މުދަލު ޒަކާތުގެ ގޮތުގައި 91.5 މިލިއަން ރުފިޔާ ލިބުނެވެ.

މުދަލު ޒަކާތް ކުރިން ދައްކަނީ އިސްލާމިކް މިނިސްޓްރީ އަށެވެ.ނަމަވެސް 2016 ވަނަ އަހަރުން ފެށިގެން މުދަލު ޒަކާތް ބަލައިގަތުން ވަނީ މީރާއަށް ބަދަލުކޮށްފައެވެ.