މި އަހަރު ފައިސާ ދިނުމަށް ހަމަޖެހިފައިވަނީ 6 ޕާޓީއަކަށް: އިލެކްޝަންސް ކޮމިޝަން

ދައުލަތުގެ ބަޖެޓުން މި އަހަރު ހަ ސިޔާސީ ޕާޓީއަކަށް ފައިސާ ދިނުމަށް އިލެކްޝަންސް ކޮމިޝަނުން ނިންމައިފިއެވެ.

Ads by Sosun Fihaara

އީސީން ވިދާޅުވީ ފާއިތުވި އަހަރުގެ އޮޑިޓް ރިޕޯޓާއި، އަހަރީ ރިޕޯޓު އީސީ އަށް ހުށަހެޅުމުން، ސިޔާސީ ޕާޓީތައް ހިންގުމަށް، މިއަހަރުގެ ބަޖެޓުން ކަނޑައެޅުއްވި 36,896,088.00 ރުފިޔާ 6 ޕާޓީއަކަށް، ދޫކުރާގޮތަށް މިއަދު ކޮމިޝަނުން ނިންމާފައިވާ ކަމަށެވެ.

އެ އެ ހަ ޕާޓީގެ ތެރޭގައި ހިމެނެނީ އެމްޑީޕީ، ޕީޕީއެމް، ޖުމްހޫރީ ޕާޓީ (ޖޭޕީ)، އަދާލަތު ޕާޓީ، މޯލްޑިވްސް ނެޝަނަލް ޕާޓީ (އެމްއެންޕީ) އަި މޯލްޑިވްސް ޑިވެލޮޕްމެންޓް އެލަޔަންސް (އެމްޑީއޭ) އެވެ.

ސިޔާސީ ޕާޓީތަކުގެ ޤާނޫނުގައި ބަޔާންކޮށްފައިވާ ގޮތުގައި ރާއްޖޭގައި ހިންގާ ސިޔާސީ ޕާޓީތަކުގެ ތެރެއިން، ދައުލަތުގެ ބަޖެޓުން ފައިސާ ދޫކުރަން ވާނީ 10 ހާސް މެންބަރުން ހަމަވާ ޕާޓީތަކަށް އެކަންޏެވެ.