އިދާރީ މުވައްޒަފުންގެ މުސާރަވެސް ބޮޑުވާންޖެހޭ: އާދަމް ޝަރީފު
ޔުނިވެސިޓީތަކުގެ ލެކްޗަރައިންނަށް ދޭ މުސާރަ ބޮޑު ކުރަން ނިންމެވިއިރު، މަތީ ތަޢުލީމު ދޭ އިންސްޓިޓިއުޝަންތަކުގެ އިދާރީ މުވައްޒަފުންގެ މުސާރަ ވެސް ބޮޑުކުރަން ޖެހޭ ކަމަށް ރައްޔިތުންގެ މަޖިލީހުގެ މަޑުއްވަރި ދާއިރާގެ މެމްބަރު އަދި ޕީއެންސީގެ ނައިބު ރައީސް އާދަމް ޝަރީފު އުމަރު ވިދާޅުވެއްޖެއެވެ.
ޔުނިވަސިޓީތަކުގެ ލެކްޗަރާއިންގެ މުސާރަ އިއްޔެ ބޮޑުކުރުމާ ގުޅިގެން އޭނާ ކުރެއްވި ޓްވީޓެއްގައި ވިދާޅުވީ މަތީ ތަޢުލީމީ ދާއިރާގައި ނަތީޖާ ނެރުމުގައި އިދާރީ މުވައްޒަފުންނަކީ ވެސް މުހިއްމު ދައުރެއް އަދާކުރާ ބައެއް ކަމަށެވެ.
"ރާއްޖޭގެ އިންފްލޭޝަން މަތިވަމުންދާ އިރު އިދާރީ މަޤާމުތަކުގައި ތިބި މުސާރަ ބޮޑު ނުވުމަކީ ނުހަނު ކަންބޮޑުވާ ކަމެއް. އިދާރީ މުވައްޒަފުންގެ މުސާރަ ބޮޑުކުރަން ޖެހޭ."
ރައީސް އިބްރާހީމް މުޙައްމަދު ޞާލިޙު އިއްޔެ ވަނީ ޔުނިވަސިޓީތަކުގެ ލެކްޗަރާއިންގެ މުސާރަ 59 އިންސައްތައަށް ބޮޑު ކުރައްވަން ނިންމެވިކަން ހާމަކުރައްވައިފައެވެ.
ރައީސް ވިދާޅުވީ، ޔުނިވާސިޓީތަކުގެ ލެކްޗަރާއިންނަށް ކުރިން ލިބެމުން އައީ 18،680 ރުފިޔާ ކަމަށްވީ ނަމަވެސް މިހާރު އިތުރު ވަގުތާ ނުލައި 29،900 ރުފިޔާ ލިބޭނެ ކަމަށެވެ.
އަދި ސީނިއާ ލެކްޗަރާއަކަށް ކުރިން ލިބެނީ 20،830 ރުފިޔާ ނަމަވެސް މިހާރު 34،000 ރުފިޔާ ލިބޭނެ ކަމަށް އެ މަނިކުފާނު ވިދާޅުވިއެވެ.
ހަމައެއާއެކު، އެސިސްޓެންޓް ޕްރޮފެސާއެއްގެ މުސާރަ 23،500 ރުފިޔާއިން 39،400 ރުފިޔާއަށް ބޮޑުކޮށްފައިވާނެ ކަމަށާއި އެސޯސިއޭޓް ޕްރޮފެސާއެއްގެ މުސާރަ 26،000 ރުފިޔާއިން 45،000 ރުފިޔާއަށް ބޮޑުކޮށްފައިވާނެ ކަމަށް ރައީސް ވިދާޅުވިއެވެ.
ކޮންމެ ކަމެއްވެސް ނިންމާއިރު މަސްލަހަތު ގެއްލޭގޮތަކަށް ތިޔޮތީ މިވަގުތު ކަންތައް ނިންމެވިފަ….ވޯޓުހޯދަން ވިޔަސް ނޫން ވިޔަސް…މުވައްސަސާއެއް މުވައްސަސާ އަކަށްވަނީ އެ މުވައްސަސާއެއްގެ ހުރިހާ މުވައްޒަފުންގެ މިންނެއް މަސައްކަތުންނެވެ.