އިދިކޮޅު މުޒާހަރާގެ ބައިވެރިން ރައީީސްގެ މޮޓޯކޭޑަށް ހުރަސް އަޅައިފި

އިދިކޮޅު ފަރާތްތަކުން މިރޭ މާލޭގައި ބޭއްވި އެއްވުމުގެ ތެރެއިން، ރައީސް އިބްރާހީމް މުޙައްމަދު ޞާލިޙުގެ މޮޓޯކޭޑަށް ހުރަސް އަޅައިފިއެވެ.

Ads by MWSC

އިދިކޮޅު ލީޑަރު އަދި ޕީޕީއެމްގެ ރިޔާސީ ކެންޑިޑޭޓް، ރައީސް ޔާމީން އަބްދުލްޤައްޔޫމް މިނިވަން ކުރުމަށް ގޮވައިލައި ސިލްސިލާކޮށް ކުރަމުން އަންނަ މުޒާހަރާގެ ތެރެއިން، ރައީސްގެ މޮޓޯކޭޑަށް ހުރަސް އެޅީ، ބޮޑުތަކުރުފާނު މަގުންނެވެ.

ރައީސް ޔާމީން މިނިވަން ކުރަން ގޮވައިލައި މިރޭ ކުރި މުޒަހަރާއިން އެކަނިވެސް 20 މީހުން ހައްޔަރު ކުރިއެވެ. ޕީޕީއެމްގެ ރިޔާސީ ކެންޑިޑޭޓް، ރައީސް ޔާމީނަށް 11 އަހަރުގެ ޖަލު ޙުކުމެއް އިއްވީ 2022 ވަނަ އަހަރުގެ ޑިސެމްބަރު މަހުގެ 25 ވަނަ ދުވަހުއެވެ. އެ ޙުކުމް ހައި ކޯޓުގައި އިސްތިއުނާފު ކޮށްފައިވާއިރު، ސެޕްޓެމްބަރު 9 ގައި ބާއްވާ ރިޔާސީ އިންތިޚާބުގައި އެ މަނިކުފާނަށް ވާދަ ކުރެއްވޭނީ، މިނިވަންވެގެންނެވެ.