އަމްރު މަޤާމުން ވަކި ކުރީ ސަރުކާރަށް ގޮތް ހުސްވެގެން: އާދަމް ޝަރީފު
އެސްޓީއޯގެ މެނޭޖިން ޑިރެކްޓަރުގެ މަޤާމުގައި ހުންނެވި ހުސައިން އަމްރު މަޤާމުން ވަކިކުރީ ސަރުކާރަށް މިހާރު ގޮތްވެގެން ކަމަށް ޕީއެންސީގެ ނައިބު ރައީސް، އަދި މަޖިލީހުގެ މަޑުއްވަރި ދާއިރާގެ މެމްބަރު އާދަމް ޝަރީފު އުމަރު ވިދާޅުވެއްޖެއެވެ.
"ދެވަނަ ދައުރެއް މި ސަރުކާރަށް ނުދިނުމަށް އެމްޑީޕީގެ ތެރެއިން މަސައްކަތްކުރާ ސަބަބު ދެނަގަނެ، އާންމުން އެކަމުން އިބުރަތް ވެސް ލިބިގަންނާނެ." އާދަމް ޝަރީފު ވިދާޅުވިއެވެ.
އަމްރު މަގާމުން ވަކިކުރީ މިދިޔަ އާދީއްތަ ދުވަހުއެވެ. އޭނާ އަކީ އެމްޑީޕީގެ ރައީީސް މުޙައްމަދު ނަޝީދުގެ "ފިކުރެއްގެ ދިރުން"ގައި އިސްކޮށް މަސައްކަތް ކުރައްވަމުން އަންނަ ބޭފުޅެކެވެ.
އަދި އެމްޑީޕީގެ ރިޔާސީ ޕްރައިމަރީގައި ނަޝީދު، ރައީސް އިބްރާހީމް މުޙައްމަދު ޞާލިޙާ ވާދަކުރެއްވިއިރު، އަމްރު ތާއީދުކުރެއްވީ ވެސް ނަޝީދަށެވެ.
އެމްޑީޕީގެ އެތެރޭން ރައީސް ޞާލިޙާ ދެކޮޅަށް މަސައްކަތް ކުރައްވާ މެމްބަރުން މަޤާމުތަކުން ވަކި ކުރުމަށް ރައީސް ޞާލިޙުގެ ފެކްޝަނުގެ މެމްބަރުން ދަނީ ގޮވައިލައްވަމުންނެވެ.
