ވަލީދާ ޖޭޕީން ވަކިވެ، ރައީސް ޞާލިޙު ފަޅިއަށް
ހެރިޓޭޖް މިނިސްޓްރީގެ ޑެޕިއުޓީ މިނިސްޓަރެއްގެ މަޤާމުގައި ހުންނެވި ވަލީދާ ވަލީދު، ޖުމްހޫރީ ޕާޓީން ވަކިވެވަޑައިގަތުމަށް ނިންމަވައިފިއެވެ.
ޖޭޕީގެ ސްލޮޓެއްގައި މަޤާމުގައި ހުންނެވި ވަލީދާ އިސްތިއުފާ ދެއްވީ، މި އަހަރުގެ ރިޔާސީ އިންތިޚާބު، ރައީސް އިބްރާހީމް މުޙައްމަދު ޞާލިޙަށް ކާމިޔާބު ކޮށްދިނުމަށް މަސައްކަތް ކުރެއްވުމަށެވެ.
ކުރީގެ ފިލްމީ ތަރި، މި ނިންމެވުމާ ގުޅޭގޮތުން ބައެއް މީޑިއާތަކަށް ވިދާޅުވީ، ވަރަށް އަވަހަށް ޖޭޕީން ވަކިވެވަޑައިގަތުމަށް އެދި ސިޓީ ފޮނުއްވާނެ ކަމަށެވެ. ވަލީދާ ވަނީ ޖޭޕީގެ ވައިބަރ ގްރޫޕްތައް ވެސް އަމިއްލައަށް ދޫކުރައްވައިފައެވެ.
ޖޭޕީގެ ފަރާތުން ރިޔާސީ އިންތިޚާބުގައި ވާދަ ކުރައްވަނީ، އެ ޕާޓީގެ ލީޑަރު ޤާސިމް އިބްރާހީމެވެ.
ޖޭޕީގެ ސްލޮޓްގައި މަޤާމުތަކުގައި ތިއްބެވި ބައެއް ބޭފުޅުން، ޤާސިމްގެ މި ނިންމެވުމާއެކު، ޕާޓީއާ ފެއަށް ޖެހޭނެ ކަމަށްވެސް ބެލެވެއެވެ.
ހައިހޫނު ކަން ފިލުވަން މަދު ދުވަސްކޮޅަކަށް ކުރެވޭ މަސައްކަތް