ހިމާޔަތްކޮށްފައިވާ ދޫނިތަކެއް ވަގަށް ބޭރުކުރަން އުޅުނު ދިވެއްސަކު ތައިލޭންޑުން ހައްޔަރުކޮށްފި
ހިމާޔަތްކޮށްފައިވާ ދޫނިތަކެއް ވަގަށް ބޭރުކުރަން އުޅުނު ދިވެއްސަކު ތައިލޭންޑުން ހައްޔަރުކޮށްފިއެވެ.
މަޢުލޫމާތު ލިބިފައިވާ ގޮތުން އޭނާ ހައްޔަރުކޮށްފައިވަނީ ތައިލެންޓގެ މައި އެއާޕޯޓުންނެވެ. އަދި އޭނާގެ ލަޖެގުތައް ބަލާ ފާސްކުރި އިރު ތައިލެންޑުގައި ހިމާޔަތްކޮށްފައިވާ ދިރޭ ތަކެތި ފެނިފައިވާކަމަށް އެގައުމުގެ ނޫސްތަކުން ބުނެފައިވެއެވެ.
ެއެ މީހާ ތައިލެންޑުން ބޭރުކުރަން އުޅުނީ ބްލެކް ހޯކް އާއި ބަފީ ފިޝް އައުލް އަދި ބެއާޑް އީގަލް އައުލް ފަދަ ދޫނިތައް ކަމަށްވެއެވެ. އަދި އެދޫނިތައް ހުރީ ވަށިގަނޑު ފާޑުއެއްޗެހިތަކެއްގައި ބަންދުކޮށް ލަޖެގު ފޮށިތަކަށް އަޅައިފައެވެ.
އެ މީހާގެ އަތުން އަތުލައިގަނެފައިވާ ދޫނިތަކުގެ އަގު އުޅެނީ 45،000 ރުފިޔާއިން މަތީގައެވެ.
އެ މީހާއާ މެދު ޤާނޫނީ ފިޔަވަޅު އެޅުމަށް ސުވަރު ނަބޫމީ އެއާޕޯޓް ޕޮލިސްއަށް ހުށަހަޅާފައިވާ ކަމަށާއި އޭނާގެ ލަޖެގުން ފެނުނު ދޫނިތައް އެ އިދާރާގެ ބެލުމުގެ ދަށަށް ގެންގޮސްފައިވާ ކަމަށް ވެސް ތައިލެންޑްގެ މީޑިއާތަކުން ބުނެފައިވެއެވެ.
