މި ދައުރުގައި 127 ރަށަކަށް އެމްބިއުލާންސް ފޮނުވައިފި

މި ހިނގާ ރިޔާސީ ދައުރުގެ ތެރޭގައި 127 ރަށަކަށް އެމްބިއުލާންސް ފޮނުވާފައިވާ ކަމަށް ރައީސް އޮފީހުގެ ތަރުޖަމާނު މިޢުވާން މުޙައްމަދު ވިދާޅުވެއްޖެއެވެ.

Ads by STELCO

ރައީސް އޮފީހުގެ ތަރުޖަމާނު މިއުވާން މިހެން ވިދާޅުވީ، ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.

އޭނާ ވިދާޅުވީ ރައީީސް ޞާލިޙު ރާއްޖޭގެ ވެރިކަމާ ޙަވާލުވެވަޑައިގެންނެވިއިރު، ގިނަ ރަށްތަކުގެ އެމްބިއުލާންސްތައް ހުރީ ހަލާކުވެފައި ކަމަށާއި، ރައްޔިތުންނަށް އެ ޚިދުމަތް ނުލިބޭތީ، އެމްބިއުލާންސް ގެނައުމުގެ މަސައްކަތް ކުރީ މި ސަރުކާރުން ކަމަށެވެ.

މިގޮތުން މިދައުރުގެ ތެރޭގައި 127 ރަށަކަށް އެމްބިއުލާން ފޯރުކޮށްދެވިފައިވާ ކަމަށާއި، އޭގެ ތެރޭގައި އަލަށް އެމްބިއުލާން ފޯރުކޮށްދެވުނު ރަށްތައް ހިމެނޭ ކަމަށް މިޢުވާން ވިދާޅުވިއެވެ.

އެމްބިއުލާންސް ހޯދުމަށް އެޕްރީލްމަހު އެސްޓީއޯއާއެކު މިނިސްޓްރީ އޮފް ހެލްތުން ވަނީ ސޮއިކޮށްފަ. މިއެއްބަސްވުމުގެ ދަށުން 20 އެމްބިއުލާންސް ކުރިއަށް މިއޮތް 3 މަސްދުވަހުގެ ތެރޭގައި ހެލްތު މިނިސްޓްރީއާ އެސްޓީއޯއިން ހަވާލުކުރައްވާނެ.

ރާއްޖޭގެ ރަށްތަކުގައި އެމްބިއުލާންްސްގެ ޚިދުމަތް ނުލިބުމުގެ ސަބަބުން އެންމެ ބޮޑު ދަތިކަމެއް ކުރިމަތިވެގެން ދިޔައީ ކޮވިޑް-19ގެ ޕެންޑެމިކްގެ ތެރޭގައެވެ.