ފަތުރުވެރިކަމުގައި ދިވެހިންނަށް ނުކުރެވުނު މަސައްކަތެއް ބޭރު ބަޔަކަށް ނުކުރެވޭނެ: ސަޢީދު
ރާއްޖޭގެ ފަތުރުވެރިކަމުގައި ދިވެހިންނަށް ނުކުރެވުނު މަސައްކަތެއް އެއަށްވުރެއް މޮޅަށް ބޭރުބަޔަކަށް ނުކުރެވޭނެ ކަމަށް ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުޙައްމަދު ސައީދު ވިދާޅުވެއްޖެއެވެ.
ސަޢީދު މިހެން ވިދާޅުވީ ރާއްޖޭގައި ހިންގާ ރިސޯޓްތަކުގެ އިސް މަގާމުތަކުގައި ތިބި ބިދޭސީން އެ މަޤާމުތަކުން ވަކިކޮށް، ފޮނުވައިލުމަށްފަހު، އެ މަޤާމުތަކަށް ދިވެހިން ހަމަޖެއްސުމަށް ހުށަހެޅުމުން އެކަމާއި މެދު ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ނުރުހުން ފާޅުކުރެއްވުމާއި ގުޅިގެންނެވެ.
"މިއީ ދިވެހި ޒުވާނުންނަށް ކޮށްފައިވާ ވަރަަށް ބޮޑު މަލާމާތެއް. ރާއްޖޭގެ ފަތުރުވެރިކަމުގައި ދިވެހިންނަށް ނުކުރެވުނު މަސައްކަތެއް އެއަށް ވުރެމޮޅަށް ބޭރުބަޔަކަށް ނުކުރެވޭނެ. އެހުނަރާއި އިލްމް ދިވެހިން ހާސިލްކުރީ ކުރީ ބޮޑެތި ޤުރުބާނީތަކަކާއި އެކު ކުޑަ ދުވަސްކޮޅެއްގެ ތެރޭގައި" ސައީދު ވިދާޅުވިއެވެ.
ކާށިދޫ ދާއިރާގެ މެންބަރު ޢަބްދުالله ޖާބިރު ހުށަހަޅުއްވާފައިވާ ދިވެހިރާއްޖޭގެ ފަތުރުވެރިކަމުގެ ސިނާޢަތުގެ ވަޒީފާތަކުގެ ތެރޭގައި ހިމެނޭ ރިޒޯޓު މެނޭޖަރުކަމާއި، އެޗްއާރް މެނޭޖަރުކަމާއި، ޗީފް އެކައުންޓެންޓުގެ މަޤާމަކީ ހަމައެކަނި ދިވެހިންނަށް އަދާ ކުރެވޭ މަޤާމެއްކަމަށް ކަނޑައެޅުމާބެހޭ ޤަރާރަށް ބަހުސް ކުރައްވަމުން މަވޯޓާ ވަނީ އެ ޤަރާރަށް ވަރަށް ބޮޑަށް ފާޑުވިދާޅުވެފައެވެ.
ދިވެހީނަވެސްކުރޭވެނެ ޖަބިރް ބުނިކަމުގައިވިޔަސް ރަގަޅުވާހަކެއް ހުރިހާމެންބަރ ވެސް ޖަބިރް އަށްތައިދުކުރަވި
ދިވެހިންނަށް ކުރެވޭނެ ދިވެހިންނަށް ވާނެ އެކަމް މި އުޅޭ ރިސޯޓް އޯނަރުން ބޭނުމެއް ނުވޭ ދިވެއްސަކަށް ރަނގަޅު މުސާރައެއް ދޭކަށް.. ބޭރު މީހެއް ވިއްޔަ ވަރިހަމަ ކިތަންމެ ބޮޑު މުސާރައެއް ދީގެންވިޔަސް..ވަރަށް ތަފާތު ކުރުން ބޮޑު..