ޗާގޯސް އަތުލަން ހަނގުރާމަކުރާނެކަމަށް ދޭހަވާފަދަ ގޮތަކަށް ބައެއް ސިޔާސީ ބޭފުޅުން ވާހަކަ ދައްކަވާ: ޝަރީފު
ޗާގޯސް އަތުލަން ހަނގުރާމަ ކުރާނެކަމަށް ދޭހަވާފަދަ ގޮތަކަށް ބައެއް ސިޔާސީ ބޭފުޅުން ވާހަކަ ދައްކަވާވކަމަށާއި އެއީ ވަރަށް ދެރަ ކަމެއްކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފު (މަވޯޓާ) ވިދާޅުވެއްޖެއެވެ.
ޝަރީފު ވިދާޅުވީ ރާއްޖެއަކީ ރަޝިއާ ނޫންކަމަށާއި އެކަމުގެ ހުރިހައި ގެއްލުމެއް ލިބޭނީ ރައްޔިތުންނަށްކަމަށެވެ.
"އިޓްލޮސް، އައިސީޖޭ އަދި ޔޫއެން ގެ ނިންމުންތައް ހގަބޫލުނުކޮށް ޗާގޯސް އަތުލަން މޮރިޝަސްއާއި ރާއްޖެއިން ހަނގުރާމަ ކުރާނެކަމަށް ދޭހަވާގޮތައް ބައެއް ސިޔާސީ ބޭފުޅުން ވާހަކަ ދައްކަވާ ކަމީ ދެރަކަމެއް. ހުރިހައި ދެރައެއް ލިބޭނީ ރައްޔިތުންނަށް، ރާއްޖެއަކީ ރަޝިއާއެއް ނޫން" ޝަރީފު ވިދާޅުވިއެވެ.
ޝަރީފު އިތުރަށް ވިދާޅުވީ ބައެއް ރިޔާސީ ކެންޑިޑޭޓުން ޗާގޯސް އަތުލާނެކަމަށް ވިދާޅުވިނަމަވެސް ނުފުދޭކަމަށާއި އެކަން ކުރާނެގޮތެއްވެސް ބުނެދެއްވަން ޖެހޭކަމަށެވެ. އަދި ކްރައިމިއާ ހޯދަން ރަޝިޔާއިން ހަނގުރާމަ ކުރަންފެށީމައި ވަމުންދާ ގޮތް ފެންނަން އޮތްކަމަށް ޝަރީފު ވިދާޅުވިއެވެ.
އިމުގެ މައްސަލައިގައި މޮރިޝަސްއިން އިޓްލޮސްއަށް ހުށައަޅާފައިވާ މައްސަލަ އަންނަ ހުކުރު ދުވަހު ނިންމުމަށް ހަމަޖެހިފައިވާއިރު، މިމައްސަލައިގައި ދިވެހި ސަރުކާރުން ނަގާފައިވާ ސްޓޭންޑަށް މެދު ގިނަ ބަޔަކު އަންނަނީ ފާޑުކިޔަމުންނެވެ.
ދީނާއި، ޤަވްމައްޓަކާ ހަނގުރާމަ ކުރަންޖެހޭނެ!އެއީ މުސްލިމުންނަށް،ވާޖިބުކުރަށްވާފައިވާކަމެއް.މުސްލިމަކަށްވިއްޔާ މިވަރު އެނގެންވާނެ.ވީއެންމެއަވަހަކަށް،ތިޔަރޯނުއެދުރުގޮތްކަނޑާލާ!!!ތިއައްވުރެ މާދުރުވިސްނޭ ބޭފުޅުން މިޤައުމުގަ އެބަތިއްބެވި،ފިސާރި ހުޝިޔާރުގެން..
ޗާގޯސް އަކީ ރާއްޖޭގެ ބައެއް . ލިބުން އެންމެ ހައްގީ ރާއްޖެއަށް.މީގެ ކުރިން ވެސް ރާއްޖޭގެ އަމުރު މައުރޫފުގަ އޮތްތަނެއް އެއީ .
ޗާގޯސް ގެ ގަވަރުނަރުކަން ޙަވާލުކުރަންވީ މަވޯޓާ އަށް