ދަރިފުޅުގެ ނެޕީ ވެސް ބަދަލު ކޮށްދެން: ރަންބީރް
އެކްޓަރު ރަންބީރް ކަޕޫރާއި، އެކްޓްރެސް އާލިއާ ބަޓްގެ ދަރިފުޅު ރަހާ އަދި މިހައިތަނަށް އާއްމުންނަށް ފެނިފައި ނުވިޔަސް، އޭނާއަށް ވަރަށް ގިނަ ބައެއްގެ ސަމާލުކަން ދަނީ ލިބެމުންނެވެ.
ރަންބީރާ އާލިއާ ރަހާއާ ގުޅޭގޮތުން ހިއްސާ ކުރާ ވާހަކަތަކަށްވެސް އެ ދެމީހުންގެ ފޭނުން ބޮޑު ސަމާލުކަމެއް ދެއެވެ. ކަރީނާގެ ޓޯކް ޝޯ "ވަޓް ވިމެން ވޯންޓް"ގެ އެޕިސޯޑެއްގައި ރަންބީރް ވަނީ ރަހާގެ ބައްޕަގެ ގޮތުގައި އޭނާ ކުރަމުން އަންނަ ތަޖުރިބާއާ ގުޅޭ ބައެއް ވާހަކަތައް ފޭނުންނާ ހިއްސާ ކޮށްފައެވެ.
އެގޮތުން ރަންބީރް ބުނީ، އޭނާ ރަހާގެ ނެޕީ ވެސް ބަދަލު ކޮށްދޭ ކަމަށެވެ. ނަމަވެސް އެންމެ ފުރިހަމައަށް ކުރަން އެނގޭ ކަމަކީ ދަރިފުޅު ވައިލެއްވުމާއި ނިންދެވުން ކަމަށްވެސް ރަންބީރް ވަނީ ބުނެފައެވެ.
މިފަދަ ކަންކަން ކޮށްދޭތީ، އޭނާ އަކީ ރަނގަޅު ފިރިއެއް ކަމުގައި ޤަބޫލުކުރެވޭ ކަމަށްވެސް ރަންބީރް ބުންޏެވެ.
ަރަންބީރް އިތުރަށް ބުނީ، ރަހާ ލިބުނު ދުވަހު އޭނާގެ މުޅި ދިރިއުޅުން ބަދަލުވި ކަމަށާއި، އެއީ ލިބުނު ނިއުމަތެއް ކަމަށެވެ.
