ވިއްސާރައާ ގުޅިގެން މާލޭގެ ކަރަންޓު ލޯޑު ދަށަށް
ވިއްސާރައާ ގުޅިގެން މާލޭގެ ކަރަންޓު ލޯޑު ވަރަށް ބޮޑަށް ދަށަށް ގޮސްފައިވާ ކަމަށް ސްޓެލްކޯ އިން ބުނެފިއެވެ.
ސްޓެލްކޯގެ މެނޭޖިން ޑިރެކްޓަރު އަހްމަދު ޝަރީފް ވިދާޅުވި ގޮތުގައި އިއްޔެގެ މެންދުރުފަހު 15:00އާ ހަމައަށް މުޅި ޖުމްލަ ކަރަންޓު ލޯޑު ހުރީ 93،026 މެގަވޮޓުގައި ކަމަށެވެ. އެއީ މާލެއިން 66،051 މެގަވޮޓު އަދި ހުޅުމާލެއިން 23،458 މެގަވޮޓެވެ.
އެހެންނަމަވެސް މިއަދު މިއަދުގެ މެންދުރުފަހު 15:00އާ ހަމައަށް އެ އަދަދު ވަރަށް ބޮޑަށް ވަނީ ދަށަށް ގޮސްފައެވެ. މިއަދުގެ އެހާއިރު ޖުމްލަ ކަރަންޓު ލޯޑު ހުރީ 74،727 މެގަވޮޓުގައެވެ. މާލޭގެ ކަރަންޓު ލޯޑުހުރީ 53،343 މެގަވޮޓަށްވުރެ މަތީގައެވެ. ހުޅުމާލޭގައި ހުރީ 18،843 މެގަވޮޓުގައެވެ.
ސްޓެލްކޯ އިން ރީޑިން ނުނަގާ ބިލް ބޮޑު ކުރިކަމަށް ބުނެ މީސް މީޑިއާގައި ދާދި ފަހުން އާންމުން ވަނީ ކަންބޮޑުވުންފާޅުކޮށްފައެވެ. މިކަމާއި ގުޅިގެން ސްޓެލްކޯއިން ވިދާޅުވީ ދިވެހިރާއްޖޭގެ ފިނިހޫނުމިން ފެބްރުވަރީ އިން މޭ މަހާ ހަމައަށް މައްޗަށްދާކަން ތަފާސް ހިސާބުތަކުން އެނގޭ ކަމަށެވެ.
މިކަމާއި ގުޅިގެން ކޮންމެ އަހަރަކުވެސް މިކުންފުނިން ހޫނު މޫސުމުގައި ޢާންމުން ހޭލުންތެރިކުރުވައި، ތަކުރާރުކޮށް ކަރަންޓު އިގްތިޞާދު ކުރުމަށް ސްޓެލްކޯއިން ވަނީ އިލްތިމާސްކޮށްފައެވެ.
ސަރީފު ރަގަޅު ތިވަރު ކުރާކަންވެސް. ފެނަކައިން އެއްވެސް އެއްޗެއް ރައްޔިތުންނަށް ނައަންގާ. ވީއެއްޗެއް ވާން މުވައްޒަފުންނަށް ދޫކޮށްފަ އޮންނަނީ. ރައްޔިތުންގެ ކަންބޮޑުވުން އޮންނާތީ ހުރިހާ ބްލޭމެއް މުވައްޒަފުންނަށް ދަނި ކުރަމުން.