އިމުގެ މައްސަލައިގައި ޢިލްމުވެރިންގެ ގުޅުމުން ރައީސް އަށް 3 ހުށަހެޅުމެއް!

އިމުގެ މައްސަލައިގައި ޢިލްމުވެރިންގެ ގުޅުމުން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހާއި ބައްދަލުކޮށް 3 ހުށަހެޅުމެއް ހުށަހަޅައިފިއެވެ.

Ads by STELCO

ޢިލްމުވެރިންގެ ގުޅުމުން ބުނިގޮތުގައި އީ.އީ.ޒެޑް މައްސަލައިގައި ޢިލްމުވެރިންގެ ފަރާތުން ކުރިއަށް ގެންދާ މަޢުލޫމާތު އެއްކުރުމުގެ ސިލްސިލާގެ ތެރެއިން ސަރުކާރަށް ހުށަހަޅަން ހުރި ސުވާލުތައް ހުށައެޅުމަށާއި ރައީސުލްޖުމްހޫރިއްޔާއާ ހިއްސާކުރަން ހުރި ކަންބޮޑުވުންތައް ހިއްސާކުރުމަށްޓަކައި އެމަނިކުފާނާއެކު، އިއްޔެ ވަނީ ބައްދަލުވުމެއް ބާއްވައިފައެވެ. އަދި މިބައްދަލުވުމުގައި އެގުޅުމުން ވަނީ ރައީސް ޞާލިހަށް 3 ހުށައެޅުމެއް ހުށަހަޅައިފައި ކަމަށް ވަނީ ބުނެފައެވެ.

މިގޮތުން ހުށަހެޅި ކަންކަމަކީ 241 ކޮމިޓީއަށް ސިޓީ ހިއްސާ ކުރުމާއި ރާއްޖޭ ޚާއްޞަ އިޤްތިޞާދީ ސަރަޙައްދު ކަމަށް ޤާނޫނުގައި ބަޔާންކޮށްފައި ސަރަޙައްދާ މެދު، އިޓްލޮސްއިން ނިންމާފައިވާ ނިންމުން މުރާޖަޢާ ކުރުމަށް ހުށަހެޅުމާއި ޢިލްމުވެރިންގެ ގުޅުމުގެ އިސްނެގުމާއެކު، އީއީޒެޑް މައްސަލައިގައި ސަރުކާރުގެ މައުޤިފާ ދެކޮޅު ފަރާތްތަކާ އެކު ސަރުކާރުން ޕަބްލިކް ޑިބޭޓަކަށް ގޮސްދެއްވުމެވެ.

މޮރިޝަސްއާ ރާއްޖެއާ ދެމެދު އިން ކަނޑައަޅަން  އިންޓަރނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީސް (އިޓްލޮސް) އިން ނިންމި ނިންމުމުގެ ސަބަބުން ރާއްޖޭގެ ކަނޑުން ބައެއް ގެއްލިފައިވާ ކަމަށް ބުނެ އެކަމާ ދެކޮޅަށް އިދިކޮޅު ފަރާތްތަކުން ދަނީ އެކުވެ، އަޑުއުފުލަމުންނެވެ.