ސަރުކާަރަށް ގިނަ ޚިދުމަތްތަކެއް ކޮށްދެއްވި ޢާބިދާގެ ތައުޒިޔާގެ ދަފްތަރުގައި ރައީސް މައުމޫން ސޮއި ކުރައްވައިފި
ސަރުކާރަށް 40އަށްވުރެ ގިނަ އަހަރު ޚިދުމަތް ކުރައްވައިފައިވާ އަލްމަރްޙޫމާ ޢާބިދާ އަޙްމަދުގެ ތައުޒިޔާގެ ދަފްތަރުގައި، ކުރީގެ ރައީސް، އަދި އެމްއާާރްއެމްގެ ޒަޢީމް، ރައީސް މައުމޫން އަބްދުލްޤައްޔޫމް ސޮއި ކުރައްވައިފިއެވެ.
Ads by STELCO
މިކަމަށްޓަކައި، ރައީސް މައުމޫން އިއްޔެ ވަނީ ފޮރިން މިނިސްޓްރީއަށް ޒިޔާާރާާތް ކުރައްވައިފައެވެ.
މިކަމާ ގުޅިގެން ފޮރިން މިނިސްޓަރު ޝާހިދު ވިދާޅުވީ ރައީސް މައުމޫން މމިނިސްޓްރީ އޮފް ފޮރިން އެފެއާޒްއަށް ޒިޔާރަތްކުރެއްވިކަމީ ”އަޅުގަނޑުމެންނަށް ލިބުނު ވަރަށް ބޮޑު އުފަލެއް“ އަދި ”ޝަރަފެއް“ ކަމަށެވެ. އަދި ޢާބިދާއާ ގުޅޭގޮތުން ރައީީސް މައުމޫން ލިޔުއްވި ބަސްފުޅަށް، ޝާހިދު ޝުކުރު އަދާކުރެއްވިއެވެ.
”އެ މަރްޙޫމާއާ ގުޅޭގޮތުން ލިޔުއްވި ހެޔޮ ބަސްފުޅަށް އިންތިހާއަށް ޝުކުރު ދަންނަވަން.“ ޝާހިދު ވިދާޅުވިއެވެ.
ދިވެހި ސަރުކާރަށް ގިނަ ދުވަހު އަގުހުރި ޚިދުމަތްތަކެއް ކޮށްދެއްވާފައިވާ ޢާބިދާ ނިޔާވީ މި މަހުގެ 08 ވަނަ ދުވަހުގައެވެ. ނިޔާވިއިރު އުމުރުން 66 އަހަރެވެ.
އޭނާ އެންމެ ފަހުން ހުންނެވީ ފޮރިން މިނިސްޓްރީގެ އެގްޒެކެޓިވް ޑިރެކްޓަރުގެ މަޤާމުގައެވެ.
Ads by Allied Insurance
