ޑިމޮކްރަސީ ދަންނަނަމަ، އެމްޑީޕީގެ ޕްރައިމަރީ ހަޖަމުވީީސް: ރޮޒައިނާ
ރައީސް މުޙައްމަދު ނަޝީދުގެ ”ފިކުރެއްގެ ދިރުން“ ފެކްޝަނުން އުފައްދަން މަސައްކަތް ކުރާ "ދަ ޑިމޮކްރެޓްްސް" ސިޔާސީ ޕާޓީ ޑިމޮކްރެޓިކް އުސޫލުން ނުހިނގާނެކަން ވަރަށް ސާފުކަމަށް ރައީސް އިބްރާހީމް މުޙައްމަދު ޞާލިޙަށް ތާއީދު ކުރައްވާ، ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ރޭ ވިދާޅުވެއްޖެއެވެ.
”ޑިމޮކްރަސީ ދަންނަނަމަ އެމްޑީޕީގެ ޕްރައިމަރީ ހަޖަމުވީސް. ތީ މި ޤައުމުގަ އުފެދޭނެ އެންމެ ބޮޑު ކަލްޓް.“ ރައީސް މުޙައްމަދު ނަޝީދު، ޕްރައިމަރީގެ ވާހަކަ ދައްކަވާ ވީޑިއޯއެއް ހިއްސާ ކުރައްވައި، ރޮޒައިނާ ވިދާޅުވިއެވެ.
އެ ވީޑިއޯގައި ރައީސް ނަޝީދު ވިދާޅުވަނީ ޕްރައިމަރީގައި މޮޅުވާ ކެންޑިޑޭޓެއްގެ ފަހަތަށް ބަލިވާ ކެންޑިޑޭޓް އަރާނެ ކަމަށެވެ.
"ދަ ޑިމޮކްރެޓްްސް" އުފެއްދުމުގެ ހުއްދައަށް އެދި، އިއްޔެ އިލެކްޝަންްސް ކޮމިޝަނަށް ވަނީ ހުށަހަޅައިފައެވެ. މި ޕާޓީ އުފެއްދުމުގައި އިސްކޮށް އުޅުއްވަނީ، އެމްޑީޕީން ދާދި ފަހުން ވަކިވެވަޑައިގެންނެވި 12 މަޖިލިސް މެމްބަރުންނެވެ.
