އައްޑޫގައި ބޭބެ މަރާލި މައްސަލާގައި ކޮއްކޮ އަމިއްލައަށް ފުލުހުންނާ ހަވާލުވެއްޖެ

އައްޑޫ ސިޓީގައި ވަޅިން ހަމަލާދީ ޒުވާނަކު މަރާލި މައްސަލާގައި އޭނާގެ ކޮއްކޮ ހައްޔަރުކޮށްފިއެވެ.

Ads by Sosun Fihaara

ފުލުހުންގެ މީޑިއާ އޮފިޝަލް ވިދާޅުވީ މަރަދޫފޭދޫގައި 27 އަހަރުގެ ޒުވާނަކު މަރާލި މައްސަލައާ ގުޅިގެން ކޯޓު އަމުރެއްގެ ދަށުން 25 އަހަރުގެ ދިވެހި ފިރިހެނަކު ހައްޔަރުކޮށްފައިވާކަމަށެވެ.

އައްޑޫގައި ރޭ ހިނގި މި ހާދިސާގަި ބޭބެ ގަޔަށް ތޫނު އެއްޗެއް ހަރައި މަރައިލީ، މަސްތުވާތަކެތީގެ މައްސަލައެއްގައި އުފެދުނު ދެބަސްވުމެއްގެ ތެރެއިންނެވެ.

އެ ހާދިސާގައި އަނިޔާވި 27 އަހަރުގެ މިހާއަށް އައްޑޫ އިކުއެޓޯރިއަލް ހޮސްޕިޓަލްގައި ފަރުވާދެމުން ދަނިކޮށް ވަނީ މަރުވެފައެވެ.